শিৱসাগৰ, 18 নৱেম্বৰঃ মনত হেঁপাহ থাকিলে কোনো বাধাই কেতিয়াও হেঙাৰ হৈ থিয় দিব নোৱাৰে ৷ জাৰ্মানৰ এক দম্পত্তিয়ে সেয়াই প্ৰমাণিত কৰিলে ৷ কৰ্মজীৱনৰ পৰা অৱসৰ গ্ৰহণৰ পাচতেই এখন টয়'টা বাহনৰে বিশ্বৰ প্ৰায় 150 খন দেশ পৰিভ্ৰমণৰ পৰিকল্পনা দুই দম্পত্তিৰ ৷
বিগত দুই মাহত বিশ্বৰ প্ৰায় 120 খন দেশ পৰিভ্ৰমণ কৰি সোমবাৰে উপস্থিত হয় এছিয়াৰ প্ৰথমখন চিৰিয়াখানা খ্যাত পহুগড়ত ৷ ইচকুৰবা খ্ৰীজা নামৰ অৱসৰপ্ৰাপ্ত অভিযন্তা জনে নিজ পত্নীৰ সৈতে আৰম্ভ কৰা এই যাত্ৰাত মাজুলী,কাজিৰঙা আদিকে ধৰি অসমৰ বিভিন্ন ঠাই পৰিভ্ৰমণ কৰে ৷
লগতে পঢ়কঃআজিৰে পৰা সংসদৰ শীতকালীন অধিৱেশন, উত্থাপন হ'ব নাগৰিকত্ব সংশোধনী বিধেয়ক
ইপিনে,অসমত উপস্থিত হৈ অসমৰ প্ৰকৃতি আৰু মানুহৰ প্ৰসংশাত পঞ্চমুখ হয় দম্পত্তিহাল ৷ অসমৰ পাচতেই দুয়ো ৰাওনা হ'ব অৰুণাচল প্ৰদেশ আৰু ভূটানলৈ ৷ উল্লেখ্য যে,প্ৰায় দুমহীয়া যাত্ৰাৰ অন্তত অসমত উপস্থিত হোৱা দম্পত্তিহাল শিৱসাগৰ পহুগড়ৰ নৈসৰ্গিক দৃশ্য উপভোগ কৰে ৷ 1696 চনৰ পৰা ১৭১৪ চনৰ ভিতৰত আহোম ৰজা স্বৰ্গদেউ ৰূদ্ৰ সিংহই স্থাপন কৰিছিল চিৰিয়ানাখানাটো ৷
