শিৱসাগৰ,24 নৱেম্বৰ : প্ৰাক্তন মুখ্যমন্ত্ৰী তথা সফল ৰাজনীতিবিদ তৰুণ গগৈৰ মৃত্যুত শোকস্তব্ধ হৈ পৰিছে সমগ্ৰ ৰাজ্য ৷ ৰাজ্যৰ ঠায়ে ঠায়ে প্ৰয়াত নেতা গৰাকীলৈ শ্ৰদ্ধাঞ্জলি জ্ঞাপন কৰিছে বিভিন্ন দল-সংগঠনে ৷ প্ৰাক্তন মুখ্যমন্ত্ৰী গৰাকীৰ অৰিহণা অসমৰ ৰাইজে কেতিয়াও পাহৰিব নোৱাৰে ৷
মঙলবাৰে প্ৰয়াত নেতা গৰাকীলৈ শিৱসাগৰত ঐক্য সেনা অসমৰ শিৱসাগৰ জিলা সমিতিয়ে ৰাজহুৱা শ্ৰদ্ধাঞ্জলি জ্ঞাপন কৰে ৷ দ'লমুখ চাৰি আলিত প্ৰয়াত নেতা গৰাকীৰ প্ৰতিচ্ছবিত মাল্যাৰ্পন কৰি বন্তি প্ৰজ্বলন কৰাৰ লগতে তেখেতৰ পৰিয়ালবৰ্গলৈ সমবেদনা জ্ঞাপন কৰে ৷ এই শ্ৰদ্ধাঞ্জলি অনুষ্ঠানত জাতি, ধৰ্ম, বৰ্ণ নিৰ্বিশেষে সকলো লোকে অংশগ্ৰহণ কৰি প্ৰয়াত নেতা গৰাকীলৈ শ্ৰদ্ধাঞ্জলি জ্ঞাপন কৰে ৷
লগতে পঢ়ক: তৰুণ গগৈৰ মৃত্যুত শোক প্ৰকাশ বিধায়ক ৰফিকুল ইছলামৰ
