ডিমৌত দুৰ্ঘটনাত নিহত এজন

ডিব্ৰুগড়ৰ পৰা বিয়া খাই ঘৰলৈ উভতাৰ পথতে সংঘটিত হয় ভয়ংকৰ দুৰ্ঘটনাটো । পুৱাৰ নামাজ পঢ়িবলৈ যোৱা স্থানীয় লোকসকলে পানীৰ তলৰ পৰা দুয়োজন যুৱকক উদ্ধাৰ কৰি ততাতৈয়াকৈ ডিমৌ আদৰ্শ চিকিৎসালয়লৈ প্ৰেৰণ কৰে যদিও চিকিৎসালয়লৈ নিয়াৰ পথতে ত্ৰিনয়ন বৰা নামৰ যুৱকজনে মৃত্যুক আঁকোৱালি লয় ।

শিৱসাগৰ, 9 মেঃ শিৱসাগৰ জিলাৰ ডিমৌত পুৱতি নিশা সংঘটিত হোৱা এক পথ দুুৰ্ঘটনাত এজন লোক থিতাতে নিহত হোৱাৰ লগতে আন এজন গুৰুতৰভাৱে আহত হয় ৷ ডিব্ৰুগড়ৰ পৰা যোৰহাট অভিমুখী গ্ৰেণ্ড আই 10 গাড়ীখনে নিয়ন্ত্ৰণ হেৰুৱাই 37 নং ৰাষ্ট্ৰীয় ঘাইপথৰ কাষৰ এটা পুখুৰীত বাগৰি পৰাৰ ফলতে সংঘটিত হয় দুৰ্ঘটনাটো ৷

পুৱতি নিশা 3.30 মান বজাত সংঘটিত হোৱা দুৰ্ঘটনাটোত যোৰহাট জে.বি. ৰোডৰ ৩৯ বছৰীয়া ত্ৰিনয়ন বৰা নামৰ লোকজন নিহত হোৱাৰ লগতে যোৰহাট লিচুবাৰীৰ ৩৪ বছৰীয়া আলোক সাহা নামৰ লোকজন গুৰুতৰভাৱে আহত হয় ৷ ডিব্ৰুগড়ৰ পৰা বিয়া খাই ঘৰলৈ উভতাৰ পথতে সংঘটিত হয় ভয়ংকৰ দুৰ্ঘটনাটো । পুৱাৰ নামাজ পঢ়িবলৈ যোৱা স্থানীয় লোকসকলে পানীৰ তলৰ পৰা দুয়োজন যুৱকক উদ্ধাৰ কৰি ততাতৈয়াকৈ ডিমৌ আদৰ্শ চিকিৎসালয়লৈ প্ৰেৰণ কৰে যদিও চিকিৎসালয়লৈ নিয়াৰ পথতে ত্ৰিনয়ন বৰা নামৰ যুৱকজনে মৃত্যুক আঁকোৱালি লয় । ইফালে গুৰুতৰভাৱে আহত আলোক সাহাক ডিমৌ আদৰ্শ চিকিৎসালয়ত প্ৰাথমিক চিকিৎসা আগবঢ়াই উন্নত চিকিৎসাৰ বাবে ডিব্ৰুগড় অসম চিকিৎসা মহাবিদ্যালয় হাস্পতাললৈ প্ৰেৰণ কৰে ।