শিৱসাগৰ ,04 মে' : শিৱসাগৰৰ বজাৰত প্লাষ্টিকৰ চাউল উপলব্ধ হোৱাৰ অভিযোগ । শিৱসাগৰৰ ৰাজীৱ গান্ধী পেট্ৰলিয়াম ইন্সটিটিউটৰ কেইগৰাকীমান উত্থাপন কৰিলে এই অভিযোগ ৷
অভিযোগ অনুসৰি শিৱসাগৰৰ ৰাজীৱ গান্ধী পেট্ৰলিয়াম ইন্সটিটিউটৰ কেইগৰাকীমান কৰ্মচাৰীয়ে সুলভ মূল্যৰ দোকানৰ পৰা ক্ৰয় কৰি আনিছিল ধেমাজি জিলাৰ বজৰং ৰাইচ মিলত প্ৰস্তুত কৰা "প্ৰিমিয়াম কোৱালিটি চৰটেক্স ৰাইচ " ব্ৰেণ্ডৰ 3 কেজি চাউল ৷খাবলৈ বহি ভাতখিনি সাধাৰণতে খাই থকা ভাততকৈ কিছু পৃথক হোৱাত সন্দেহবশত: কৰ্মচাৰী কেইজনে খোৱাৰ পৰিৱৰ্তে লাড়ু কৰি মজিয়ালৈ দলিয়াই দিয়াৰ পাচতে উফৰি আহে চাউলৰ বলটো ৷ খাবলৈ বুলি ৰন্ধা চাউলখিনি প্লাষ্টিকৰ বুলি অভিযোগ উত্থাপন কৰি কৰ্মচাৰী সকলে একেমুখে দোষাৰূপ কৰিলে শিৱসাগৰ যোগান বিভাগৰ উদাসীনতাক।
লগতে পঢ়ক : বাংলাদেশলৈ প্ৰত্যাৰ্পণ কৰা হ'ল 20 গৰাকী বাংলাদেশী নাগৰিকক
উল্লেখযোগ্য যে উক্ত সুলভ মূল্যৰ দোকানখনে শিৱসাগৰ নগৰৰ জেঙনিকটীয়াৰ চুজা নামৰ এজন ব্যৱসায়ীৰ দোকানৰ পৰা ক্ৰয় কৰিছিল ৷
এতিয়া প্ৰশ্ন হ'ল, যোগান বিভাগৰ দৰে বিয়াগোম বিভাগ এটা থকাৰ পাচতো বৰ্তমান সময়ত সৰ্বত্ৰচৰ্চা লাভ কৰি থকা প্লাষ্টিক চাউল কিদৰে প্ৰৱেশ কৰিব পাৰিলে শিৱসাগৰৰ গ্ৰামাঞ্চলত ৷ কিদৰে অভিযোগ উত্থাপন হোৱাৰ দৰে ধেমাজি জিলাৰ বজৰং ৰাইচ মিলত প্ৰস্তুত আৰু বিতৰণ হ'ল এইদৰে মাৰাত্মক বৰবিহ স্বৰূপ প্লাষ্টিক চাউল? এইক্ষেত্ৰত ৰাজ্যৰ যোগান বিভাগে তদন্তৰ জৰিয়তে কি ব্যৱস্থা গ্ৰহণ কৰে তাৰ ওপৰত নিৰ্ভৰ কৰিব ৰাজ্যত এতিয়া ভাতমুঠিও স্বাস্থ্যৰ বাবে উপযোগী হৈ থাকিব নে নাথাকে ৷
