নাজিৰা আৰক্ষীৰ অভিযানত অবৈধ লালীগুড় জব্দ

নাজিৰা আৰক্ষীৰ অভিযানত অবৈধ লালীগুড় কটিওৱা বাহন জব্দ ৷ বীৰ লাচিত সেনাৰ বিষয়ববীয়াৰ প্ৰচেষ্টাত জব্দ কৰিবলৈ সক্ষম হয় বাহনখন ৷

নাজিৰা, 10 ছেপ্তেম্বৰ : বৃহস্পতিবাৰে শিৱসাগৰ জিলাৰ নাজিৰাত দুপৰীয়া আৰক্ষীয়ে অবৈধ লালীগুৰ কঢ়িয়াই অনা এখন বলেৰ পিকআপ বাহন জব্দ কৰিবলৈ সক্ষম হয় ৷ নগাঁৱৰ পৰা অবৈধভাবে 100 টিং লালীগুড় কঢ়িয়াই আনিছিল গাড়ীখনত ৷

বীৰ লাচিত সেনাৰ কেইজনমান বিষয়ববীয়াৰ প্ৰচেষ্টাত নাজিৰাৰ লক্ষ্মীজনলৈ নি থকা অৱস্থাত নাজিৰা আৰক্ষীয়ে অভিযান চলাই জব্দ কৰিবলৈ সক্ষম হয় বাহনখন ৷ আৰক্ষীয়ে জব্দ কৰিবলৈ সক্ষম হোৱা বাহনখনৰ নম্বৰ AS-04BC-0624 বুলি জানিব পৰা গৈছে ৷

ইফালে,আৰক্ষীয়ে লালীগুড় ভৰ্তি বাহনখনৰ লগতে লালীগুড়ৰ অবৈধ ব্যৱসায় চলাই থকা ৰামেশ্বৰ গগৈ আৰু গাড়ীখনৰ চালক গৰাকীকো আটক কৰিবলৈ সক্ষম হৈছে ৷ অভিযোগ অনুসৰি,বহুদিনৰ পৰা নাজিৰা মহকুমাৰ লক্ষ্মীজান অঞ্চলত চুলাই বনোৱা লোকসকলক চোৰাংকৈ লালীগুড়ৰ যোগান ধৰি আছিল ব্যৱসায়ীজনে ৷

লগতে পঢ়ক : বাইহাটা চাৰিআলিত মৃতদেহ উদ্ধাৰ