শিৱসাগৰ, 19 চেপ্টেম্বৰ : চ'নি টিভিৰ জনপ্ৰিয় ৰিয়েলিটী শ্ব' চুপাৰ ষ্টাৰ চিংগাৰৰ টপ-8ত অন্তৰ্ভুক্ত হ'ল অসমৰ হৰ্ষিত নাথ ৷ গৃহ জিলা শিৱসাগৰত বিপুলভাৱে আদৰণি জনোৱা হয় প্ৰতিভাৱান শিল্পী গৰাকীক ৷ চুপাৰ ষ্টাৰ চিংগাৰত নিজৰ কণ্ঠৰ যাদুৰে হাজাৰ হাজাৰ শ্ৰোতা দর্শকৰ হিয়াৰ আমঠু হৈ পৰিল কণমানি হৰ্ষিত নাথ চ'নী টিভিত সম্প্ৰচাৰিত সংগীতানুষ্ঠানটিৰ জৰিয়তে নিজৰ এক সুকীয়া পৰিচয় গঢ়িবলৈ সক্ষম হৈছে কণমানি হৰ্ষিতে ৷
হৰ্ষিত নাথক শিৱসাগৰত বিপুল আদৰণি
বৃহস্পতিবাৰে ৩ টা মাহৰ পিছত এনেদৰে নিজ গৃহ নগৰত নিজ পিতৃৰ সৈতে উপস্থিত হয় । হৰ্ষিতৰ সফলতাত উৎফুল্লিত শিৱসাগৰৰ ৰাইজে এনেদৰে কণমানি কণ্ঠ শিল্পী গৰাকীক বিপুল ভাবে আদৰণি জনায় । যাদুকৰী কণ্ঠৰ কণমানি হৰ্ষিতক চনি টিভিৰ প্ৰতিযোগিতাত বিজয়ী কৰাৰ বাবে এতিয়া অসমবাসীৰ মৰম আশীৰ্বাদৰ লগতে ভোটৰ প্ৰয়োজন ।
