শিৱসাগৰ,31 ডিচেম্বৰ : যোৱা ২৯ ডিছেম্বৰৰ পৰা শিৱসাগৰ নগৰৰ বৰ্ডিং খেলপথাৰত উদযাপন কৰা হৈছে ঐতিহ্য অসম উৎসৱৰ। ঐতিহাসিক শিৱসাগৰত জাতি-জনগোষ্ঠীৰ সাংস্কৃতিক সমাহাৰেৰে থলুৱা খাদ্যৰ উপস্থাপন কৰি আয়োজন কৰা এই উৎসৱত গুৰুত্ব প্ৰদান কৰা হৈছিল নতুন প্ৰজন্মক । যাৰ বাবে অসমৰ বিভিন্ন প্ৰান্তৰ সমাজ-সংস্কৃতি-ৰাজনীতিৰ লগত জড়িত যুৱ প্ৰজন্মক নিমন্ত্ৰণ কৰি এক উন্নয়নশীল বিকশিত অসম বিষয়ক এক মত বিনিময়ৰ আয়োজন কৰা হৈছিল ।
অসমৰ সাংস্কৃতিক, আৰ্থিক, সামাজিক আৰু ৰাজনৈতিক উন্নয়নক গুৰুত্ব প্ৰদান কৰি আয়োজন কৰা এই উৎসৱত বহু গুণী পৰিচিতি ব্যক্তিয়ে বিভিন্ন অনুষ্ঠানত অংশগ্ৰহণ কৰি উৎসৱৰ সৌষ্ঠৱ বৃদ্ধি কৰিছে । শাৰীৰিক সক্ষমতাৰে নতুন প্ৰজন্মৰ মাজত নতুন চিন্তাৰ উদ্ৰেক কৰাবলৈ কচৰৎ আৰু যোগাসনো এই উৎসৱৰ এক অন্য মাত্ৰা আছিল । বৃহস্পতিবাৰে সামৰণি পৰা কাৰ্যসূচীত অসমৰ বিভিন্ন জাতি-জনগোষ্ঠীয় গীত-নৃত্যৰে চলিত বছৰটোক বিদায় দিব এক আনন্দমুখৰ পৰিৱেশৰ মাজত।
লগতে পঢ়কঃ 2020 বৰ্ষৰ ক্ৰীড়াক্ষেত্ৰত অসমৰ সাফল্য
