আমগুৰি,৯ মে’ : আমগুৰিত ক’ভিডৰ দ্ৰুত সংক্ৰমণ । ইয়াৰ লগে লগেই কৰ’ণা মহামাৰীৰ দ্বিতীয়টো ঢৌত আমগুৰিত ক’ভিড আক্ৰান্ত ৰোগীৰ সংখ্যা ৩১ জনলৈ বৃদ্ধি পালে ৷
দেওবাৰে, আমগুৰি সামূহিক চিকিৎসালয়ত ছজন লোকৰ শৰীৰত ক’ভিডৰ অৱস্থিতি পোৱা যায় ৷
জানিব পৰা মতে, ইয়াৰে তিনিজনৰ ঘৰ টিফুক চাহ বাগিচাত, এজন আমগুৰি নগৰৰ আৰু এগৰাকী ভূঞা গাঁৱৰ হোৱাৰ লগতে হালোৱাটিং চিআৰপিএফ কেম্পৰ এজনৰ দেহত ধৰা পৰে ক’ভিডৰ অৱস্থিতি ৷
উল্লেখ্য যে আমগুৰিত এতিয়ালৈকে ক’ভিডত আক্ৰান্ত হৈ দুজন লোকৰ মৃত্যু হৈছে । দেওবাৰে আক্ৰান্ত হোৱা সকলোকে হোম আইচ’লেছনত ৰখা হৈছে বুলি জানিব পৰা গৈছে ৷ আমগুৰিত দিনক দিনে ক’ভিড পজিটিভৰ সংখ্যা বৃদ্ধি পোৱাত এক আতংকময় পৰিবেশৰ সৃষ্টি হৈছে ৷
লগতে পঢ়ক : জুইত জাহ গ’ল তেজপুৰৰ চ’ক বজাৰ
