শিৱসাগৰৰ,23 এপ্ৰিল : শিৱসাগৰৰ মুখ্য কাৰ্যলয়ত ঐক্য সেনা অসমৰ সংবাদ মেল ৷ সংবাদ মেল সম্বোধন কৰি ঐক্য সেনা অসমৰ কেন্দ্ৰীয় সাধাৰণ সম্পাদক ফৰিদ ইছলাম হাজৰিকাই কভিড-১৯ ৰ ভয়াৱহ পৰিস্থিতিৰ প্ৰতি লক্ষ্য ৰাখি ডিব্ৰুগড় বিশ্ববিদ্যালয়ৰ অন্তৰ্গত আগন্তক স্নাতক পৰ্য্যায়ৰ সকলো পৰীক্ষা বাতিল কৰিবলৈ আহ্বান জনায় ৷ তাৰোপৰি ৰাজ্যত ক’ভিডৰ পৰিস্থিতি স্বাভাৱিক নোহোৱা পৰ্য্যন্ত মেট্ৰিক আৰু উচ্চতৰ মাধ্যমিক পৰীক্ষা বাতিল কৰিবলৈ কৰ্তৃপক্ষক আহ্বান জনায় ৷
পৰীক্ষা অনুষ্ঠিত কৰাক লৈ ডিব্ৰুগড় বিশ্ববিদ্যালয়ৰ আকোৰগোজ মনোভাৱক সমালোচনা কৰি সম্পাদক গৰাকীয়ে কয় যে, ছাত্ৰ ছাত্ৰীৰ জীৱনক লৈ হেতালী খেলা বন্ধ কৰক ৷ ক’ভিড-19 ত কোনো শিক্ষাৰ্থী আক্ৰান্ত হ’লে তাৰ বাবে বিশ্ববিদ্যালয় কৰ্তৃপক্ষ দায়ী হ’ব ৷ শেহতীয়া ক’ভিডৰ ভয়ংকৰ পৰিস্থিতিৰ প্ৰতি লক্ষ্য ৰাখি সংগঠনটোয়ে অফলাইনৰ পৰিৱৰ্তে অনলাইনৰ জৰিয়তে পৰীক্ষা অনুষ্ঠিত কৰাৰ সিদ্ধান্ত লবলৈ কৰ্তৃপক্ষক আহ্বান জনায় ৷
লগতে পঢ়ক : পুনৰ বৰপেটাত এগৰাকী ক'ৰণাক্ৰান্তৰ মৃত্যু
