নলবাৰী, ২৬ জুলাই : অভিনয় জগতৰ বাবে এক সুখবৰ ৷ অসমৰ বিশিষ্ট অভিনেতা দিনেশ দাসলৈ আগবঢ়োৱা হৈছে ২০২২ বৰ্ষৰ ভৱেন বৰুৱা বঁটা (Bhaben Baruah Award 2022) । AJYCP নলবাৰী জিলা সমিতিয়ে জ্যেষ্ঠ অভিনেতাগৰাকীক আগন্তুক 3 ছেপ্তেম্বৰত নলবাৰীৰ নাট্যমন্দিৰত আয়োজিত এক সভাত প্ৰদান কৰিব এই বঁটা (Veteran actor Dinesh Das Felicitated)৷
মঙলবাৰে এক সংবাদমেল আয়োজন কৰি এই কথা সদৰি কৰে অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিৰ বিষয় ববীয়াই ৷ উল্লেখ্য যে, উক্ত সংবাদমেলত উপস্থিত থাকে এই বছৰৰ চতুৰ্দশ বাৰ্ষিক ভৱেন বৰুৱা সদৌ অসম শিশু নাট প্ৰতিযোগিতাৰ সভাপতি তথা নলবাৰীৰ জ্যেষ্ঠ সাংবাদিক এম মহিবৰ ৰহমান, ভৱেন বৰুৱা শিশু নাট প্ৰতিযোগিতাৰ কাৰ্যকৰী সভাপতি গৌতম শৰ্মা, অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিৰ উপদেষ্টা নিৰোদ দাস ৷
লগতে উপস্থিত থাকে অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিৰ ভাৰপ্ৰাপ্ত সাধাৰণ সম্পাদক প্ৰাঞ্জল কলিতা আৰু অসম জাতীয়তাবাদী যুৱ ছাত্ৰ পৰিষদ নলবাৰী জিলা সমিতিৰ সম্পাদক কৌশিক বৰ্মন ৷
লগতে পঢ়ক : Music director duo Jitu Tapan : সংগীত পৰিচালক যুটি জিতু-তপনলৈ কমলা শইকীয়া ৰাষ্ট্ৰীয় বঁটা
