নলবাৰী,25 মে’: নলবাৰী প্ৰেছ ক্লাবত উপস্থিত হৈ মঙলবাৰে শতাধিক মাদ্ৰাছা টেট উত্তীৰ্ণ শিক্ষাৰ্থীয়ে নিযুক্তিৰ বাবে মুখ্যমন্ত্ৰী ড৹ হিমন্ত বিশ্ব শৰ্মাক আহ্বান জনায় ৷ টেট উত্তীৰ্ণ হোৱাৰ পাছতো চৰকাৰে তেওঁলোকক নিযুক্তিৰ ব্যৱস্থা নকৰাত ক্ষোভ প্ৰকাশ কৰে ৷ তেওঁলোকে বিগত সময়ত কেইবাবাৰো মুখ্যমন্ত্ৰী ড৹ হিমন্ত বিশ্ব শৰ্মাক সাক্ষাৎ কৰাৰ কথা প্ৰকাশ কৰে ৷ মুখ্যমন্ত্ৰীয়েও তেওঁলোকক নিৰ্বাচনৰ পাছত নিযুক্তি দিয়াৰ আশ্বাস দিছিল ৷
টেট উত্তীৰ্ণ শিক্ষাৰ্থীসকলে মঙলবাৰে নলবাৰী প্ৰেছ ক্লাবত কান্দি কান্দি মুখ্যমন্ত্ৰী হিমন্ত বিশ্ব শৰ্মা আৰু শিক্ষামন্ত্ৰী ড৹ ৰণোজ পেগুক তেওঁলোকক নিযুক্তি দিয়াৰ দাবী জনায় ৷ টেট বাছনি পৰীক্ষাত উৰ্ত্তীণ হোৱাৰ পাচতো চৰকাৰে ৰাজ্যৰ প্ৰায় চাৰি হাজাৰ মাদ্ৰাছা টেট উত্তীৰ্ণক নিযুক্তি দিয়া নাই বুলি মুখ্যমন্ত্ৰীলৈ প্ৰশ্ন উত্থাপন কৰে ৷
লগতে পঢ়ক : গ্ৰেপ্তাৰ কৰা ৰাইজৰ দলৰ সদস্যক মুকলি
