নলবাৰী,20 নৱেম্বৰ: নলবাৰীৰ অমিয়াপুৰত দিন দুপৰতে সংঘটিত হৈছে চাঞ্চল্যকৰ ডকাইতিৰ ঘটনা ৷ নলবাৰীৰ অমিয়াপুৰৰ পাঞ্জাৱ বেংক শাখাত সংঘটিত হৈছে এই ঘটনা ৷ চাৰিজনীয়া এটা ডকাইতৰ দলে পিষ্টল দেখুৱাই বেংকটোৰ পৰা লুটি নিলে 60 লাখ টকা ৷ ডকাইতৰ গুলীত আহত হয় অময়াপুৰৰ এলেংগী দলৰ নয়ন দাস নামৰ এজন লোক ৷ বৰ্তমান ঘটনাস্থলীত উপস্থিত হৈ তদন্ত অব্যাহত ৰাখিছে নলবাৰীৰ আৰক্ষী অধীক্ষক অমনজিৎ ক’ৰ সহ আৰক্ষী বিষয়াই ৷
উল্লেখ্য যে,চাৰিজনীয়া ডকাইতৰ দলটোৱে যোৱাৰ সময়ত বাহিৰত তিনিজাইকৈ গুলি ফুটি পলায়ন কৰে বুলি প্ৰত্যক্ষদৰ্শীয়ে জানিবলৈ দিয়ে ৷ তদন্তকালত ঘটনাস্থলীত সক্ৰিয় নাইন এম এমৰ গুলি উদ্ধাৰ কৰিছে আৰক্ষীয়ে ৷ দিন দুপৰতে নলবাৰীৰ অময়াপুৰৰ দৰে জনবহুল ঠাইত এনেদৰে ডকাইতে ডকাইতি কৰি নিৰ্বিঘ্নে আতৰি যোৱাত ঘটৱাক আৰক্ষীৰ ব্যৰ্থতা অভিগোগ উত্থাপন কৰিছে নলবাৰীবাসী ৰাইজে ৷ বৰ্তমানলৈ কোনো এজন ডকাইতক গ্ৰেপ্তাৰ কৰিবলৈ সক্ষম হোৱা নাই নলবাৰীৰ আৰক্ষী৷
লগতে পঢ়কঃ ১৪ বছৰত নৱেম্বৰ মাহৰ আজিৰ পুৱা আটাইতকৈ বেছি ঠাণ্ডা অনুভূত হ'ল দিল্লীত
