নলবাৰী, 9 মে' : ফেনীৰ বিভীষিকাৰ মাজতে অৱশেষত সুকলমে স্বগৃহত উপস্থিত হ'ল টিহুৰ 32 গৰাকী তীৰ্থযাত্ৰী৷ বুধবাৰে নিশা 12:30 বজাত টিহুত উপস্থিত হয় তীৰ্থ যাত্ৰীৰ দলটো ৷
সগৰীয় ঘূৰ্ণিবতাহ ফেনীৰ কবলত ওড়িশাত আবদ্ধ হৈ আছিল অসমৰ পৰা যোৱা 32 জনীয়া তীৰ্থযাত্ৰীৰ দলটো৷ পুৰীৰ জগন্নাথ মন্দিৰ দৰ্শনৰ বাবে 28 এপ্ৰিলত নলবাৰীৰ টিহুৰ পৰা ওড়িশালৈ গৈছিল দলটো ৷
ওড়িশাৰ পৰা স্ব-ভূমিত উপস্থিত টিহুৰ তীৰ্থযাত্ৰীৰ দল
অসম চৰকাৰৰ তৎপৰতাত কলকতা অসম ভৱনৰ পৰা বাছেৰে টিহুলৈ অনা হয় তীৰ্থ যাত্ৰীৰ দলটোক ৷
লগতে পঢ়কঃপুৰীৰ পৰা আহি নলবাৰীত উপস্থিত তীৰ্থযাত্ৰীৰ দল
উল্লেখ্য যে 60-70 ঊৰ্দ্ধৰ কেইবাগৰাকীও যাত্ৰী আছিল তীৰ্যযাত্ৰীৰ দলটোত৷ ফেনীৰ কবলত আবদ্ধ হৈ চাৰিদিন ধৰি খাদ্য গ্ৰহণ কৰিবলৈ পোৱা নাছিল দলটোৱে৷ সুকলমে নিজ বাসভৱনত উপস্থিত হৈ অসম চৰকাৰক ধন্যবাদ জ্ঞাপন কৰে তীৰ্থযাত্ৰীৰ দলটোৱে৷
