নলবাৰী 21 অক্টোবৰ: নলবাৰীৰ ৩১ নং ৰাষ্ট্ৰীয় ঘাইপথৰ পাইকাৰকুছিত সংঘটিত হয় এক ভয়ংকৰ পথ দুৰ্ঘটনা। তীব্ৰ বেগী বাহনৰ খুন্দাত গুৰুতৰ ভাৱে আহত হয় বিশেষ ভাৱে সক্ষম এজন যুৱক ৷ AS 01 DQ 3435 নম্বৰৰ হোণ্ডাই আই-২০ বাহনৰ খুন্দাত গুৰুতৰ ভাৱে আহত হয় যুৱকজন । ঘটনাস্থলীত নলবাৰী আৰক্ষী উপস্থিত হৈ যুৱকজনক ততাতৈয়াকৈ নলবাৰী শ্বহীদ মুকুন্দ কাকতি অসামৰিক চিকিৎসালয়ত ভৰ্তি কৰায় ৷ যুৱকজন বৰভাগৰ মানস প্ৰতীম দাস বুলি চিনাক্ত কৰা হৈছে। উল্লেখযোগ্য যে পাইকাৰকুছি চ'কত গাড়ী সমূহ বিশৃংখলভাৱে পাৰ্কিং কৰাৰ ফলত শেহতীয়াকৈ কেইবাটাও পথ দুৰ্ঘটনা সংঘটিত হৈছিল।
লগতে পঢ়ক: 11 বছৰৰ পাচত ৰাজধানী দিল্লীত আটাইতকৈ ঠাণ্ডা দিনৰ ৰেকৰ্ড ভংগ
