নলবাৰী, 6 নৱেম্বৰঃ নলবাৰীত সংঘটিত হৈছে মৰেল পুলিচৰ ঘটনা ৷ মৰেল পুলিচৰ নামত ভগ্নীসম যুৱতীক পিছপিনৰ পৰা লঠিয়াই বীৰত্ব প্ৰদৰ্শন যুৱকৰ ৷
ঘটনা অনুসৰি নলবাৰীৰ বতাহঘিলাত কালি সংঘটিত হৈছিল এক অপ্ৰীতিকৰ ঘটনা ৷ এটা ঘৰত ফটো উঠিবলৈ গৈছিল এজন যুৱক আৰু এগৰাকী যুৱতী ৷ কিন্তু অসৎ কাৰ্যত লিপ্ত হোৱাৰ সন্দেহত স্থানীয় ৰাইজে দুয়োকে আটক কৰি আৰক্ষীক গটাই দিয়ে ৷ নলবাৰী আৰক্ষীয়ে 3/4 IT(P) actৰ অধীনত গোচৰ ৰুজু কৰি যুৱকজন আৰু বতাহঘিলাৰ ঘৰটোৰ গৰাকী যুৱতীগৰাকীক জেললৈ প্ৰেৰণ কৰে যদিও কিশোৰজনক মাকৰ জিম্মাত দি জামিন মঞ্জুৰ কৰে ৷
উল্লেখ্য যে, স্থানীয় লোকে যুৱকজন আৰু কিশোৰীগৰাকীক আৱদ্ধ কৰি গালি গালাজ কৰাৰ সময়তে মৰেল পুলিচৰূপী স্থানীয় যুৱক এজনে যুৱতীগৰাকীক পিছপিনৰ পৰা লঠিয়ায় ৷ এতিয়া প্ৰশ্ন হয় আইনক নিজৰ হাতত তুলি লোৱা এই যুৱকজনক নিজৰ ভগ্নীসম যুৱতী এগৰাকীক এনেদৰে শাৰীৰিক নিৰ্যাতনৰ অধিকাৰ কোনে প্ৰাদান কৰিলে ৷ ঘটনাক কেন্দ্ৰ কৰি ইতিমধ্যে অঞ্চলজুৰি তীব্ৰ প্ৰতিক্ৰিয়াৰ সৃষ্টি হৈছে ৷ বহুলোকে মৰেল পুলিচৰূৰী যুৱকজনৰ শাস্তিৰ দাবী উত্থাপন কৰিছে ৷
