নলবাৰী, 28 নৱেম্বৰঃ বৰপেটাৰ পাঠশালাৰ দুজন বিশেষভাৱে সক্ষম যুৱক ৷ এজন আনজনৰ সাৰথি ৷ স্বাৰ্থৰ ৰঙসনা পৃথিৱীত নিস্বাৰ্থ মৰম,বন্ধুত্ব ৷ ধনঞ্জয় দাসৰ নামৰ এজন বিশেষভাৱে সক্ষম যুৱকে বাঁহীৰ মধুৰ সুৰেৰে জিনিছে কন্টকময় জীৱন ৷ সাত বছৰ বয়সতে বসন্ত ৰোগত আক্ৰান্ত হৈ হেৰুৱালে চকুৰ জ্যোতি ৷ দহ বছৰ বয়সৰ পৰাই বাঁহীত সুৰ তুলি চলাই আছে জীৱন সংগ্ৰাম ৷ বাঁহীৰ সুৰেৰে লহৰ তুলিছে ইটোৰ পিছত সিটো গীতত ৷ তেওঁৰ সৈতে ছাঁ টোৰ দৰে ওৰেটো দিন ঘূৰি ফুৰে ৰাজেন কলিতা নামৰ আন এজন বিশেষভাৱে সক্ষম যুৱকে ৷ ধনঞ্জয়ক এঠাইৰ পৰা আন ঠাইলৈ লৈ যায় ৰাজেনে ৷ ধনঞ্জয়ে চহৰ অলিয়ে গলিয়ে,পদপথত বাঁহী বজাই অৰ্জন কৰে দুই-এপইচা ৷ দুয়োৱে ইটোৱে সিটোক নিৰ্ভৰ কৰি ওলাই আহে দিনটোৰ বাবে ৷
ভৱানীপুৰ সমষ্টিৰ অন্তৰ্গত এইগৰাকী বিশেষভাৱে সক্ষম শিল্পীয়ে আজিলৈকে অলপো সঁহাৰি পোৱা নাই চৰকাৰ-প্ৰশাসনৰ পৰা ৷ দুয়োজনে এনেদৰে দিনৰ দিনটো ঘূৰি অৰ্জন কৰা সামান্য টকাৰে চলাই আছে নিজৰ ঘৰকেইখন ৷ জীৱন যুঁজত ভাগৰি নপৰা এই দুইগৰাকী যুৱকক কুশলে ৰাখক নেদেখাজনে লগতে চৰকাৰৰ সু দৃষ্টি পৰক পৰিয়াল দুটালৈ ৷
লগতে পঢ়কঃনগাঁৱত পিষ্টলসহ এজন যুৱকক আটক ৰাইজৰ
