নলবাৰীত মন্ত্ৰী হিমন্ত বিশ্ব শৰ্মাঃ ৰাজপথত পুনৰ মন্ত্ৰী হিমন্ত বিশ্ব শৰ্মাৰ নৃত্য

কংগ্ৰেছৰ সমালোচনাত পুনৰ সৰব হৈ উঠিল মন্ত্ৰী হিমন্ত বিশ্ব শৰ্মা ৷ ভাৰতীয় জনতা পাৰ্টিয়ে দলৰ সকলো সদস্যকে সম অধিকাৰ প্ৰদান কৰে বুলি প্ৰশংসা কৰে বিজেপিৰ ষ্টাৰ কেম্পেইনাৰ গৰাকীয়ে

নলবাৰী , 9 এপ্ৰিলঃ নলবাৰীত মঙলদৈ সমষ্টিৰ প্ৰাৰ্থী দিলীপ শইকীয়াৰ হৈ প্ৰচাৰ চলাবলৈ আহি কংগ্ৰেছৰ সমালোচনাত সৰৱ হ'ল বিজেপিৰ ষ্টাৰ কেম্পেইনাৰ হিমন্ত বিশ্ব শৰ্মা ৷ তৃণমূলৰ দলীয় সদস্যকো সম অধিকাৰ প্ৰদান কৰি ভাৰতীয় জনতা পাৰ্টিয়ে সততা আৰু নিৰ্মল ৰাষ্ট্ৰপ্ৰেমৰ নিদৰ্শন দাঙি ধৰা বুলি মন্তব্য মন্ত্ৰীগৰাকীৰ ৷

নলবাৰীত গৰ্ডন খেলপথাৰত নিৰ্বাচনী সভাক সম্বোধন কৰে মন্ত্ৰীগৰাকীয়ে ৷ বিৰোধী দল কংগ্ৰেছক সমালোচনা কৰি কংগ্ৰেছে বংশগত ৰাজনীতি কৰাৰ বিপৰীতে ভাৰতীয় জনতা দলে দলৰ সকলো সদস্যকে সম অধিকাৰ প্ৰদান কৰে বুলি মন্তব্য কৰে বিজেপি নেতাগৰাকীয়ে ৷ আনহাতে নলবাৰীত পুনৰ এবাৰ নিৰ্বাচনী গীতৰ তালে তালে দেখা গ'ল মন্ত্ৰীগৰাকীৰ নৃত্য ৷