নলবাৰী, 20 জানুৱাৰী : নাট্যপ্ৰয়াস কালচাৰেল অৰগেনাইজেচন উদ্যোগত প্ৰথম বাৰ্ষিক নাট্য উৎসৱৰ আয়োজন । কালাগ দৌল মন্দিৰ প্ৰাংগনত অনুষ্ঠিত হোৱা নাট্য উৎসৱত চামতাৰ উত্তৰণ গোষ্ঠী আৰু নাট্য প্ৰয়াস বৰভাগৰ শিল্পী সকলে নাট প্ৰদৰ্শন কৰে ৷
বৰভাগৰ বলিষ্ঠ অভিনেতা পৰেশ শৰ্মা আৰু অভিনেতা তথা প্ৰযোজক সুভাৱ তালুদাৰে বন্তি প্ৰজ্বলনৰে আৰম্ভ কৰা নাট্য উৎসৱৰ উদ্বোধন কৰে বিশিষ্ট সমাজকৰ্মী লক্ষী কলিতাই । ৰসৰাজ লক্ষীনাথ বেজবৰুৱাদেৱৰ গল্পৰ আধাৰত কুলদ্বীপ তালুকদাৰ নাট্যৰূপ আৰু পৰিচলনাৰে 'সৰৱজান' মঞ্চস্থ কৰে ।
ইফালে, কৰেন বেজবৰুৱা পৰিচালনাৰে আৰু হীৰক বৰুৱা নাট্যৰূপত 'তীখৰ আৰু চুটীবাই' নামৰ দুখনকৈ নাট প্ৰদৰ্শন কৰে । দুয়োখন নাটকতে শিশু সকলে সুন্দৰ অভিনয়ৰে দৰ্শকৰ মন জয় কৰিৱলৈ সক্ষম হৈছে । সেই অঞ্চলৰ কেইবা শতাধিক লোকে নাট উপভোগ কৰাৰ লগতে এনে সুন্দৰ প্ৰদক্ষেপৰ বাবে উদ্যোক্তা সকলক প্ৰশংসা কৰে ।
লগতে পঢ়ক : গোলাঘাটত নিজ প্ৰাপ্যৰ দাবীত আশাকৰ্মীৰ প্ৰতিবাদ
