নলবাৰী, 1 ডিচেম্বৰঃ চিকিৎসক ডা৹ মৃগাংক তালুকদাৰ নলবাৰী জিলা বিজেপিৰ নতুন সভাপতি হিচাপে নিৰ্বাচিত ৷ নলবাৰী আৱৰ্ত ভৱনত অনুষ্ঠিত বিজেপিৰ দলীয় নিৰ্বাচনী সভাত ডা৹ তালুকদাৰক নৱনিৰ্বাচিত সভাপতি হিচাপে ঘোষণা কৰে বিজেপিৰ ৰাজ্যিক নিৰ্বাচনী সমিতিৰ ৰিটাৰ্ণিং বিষয়া প্ৰাণ কৃষ্ণ দাস আৰু প্ৰভাৰী বিজুলী কলিতা মেধিয়ে ৷ নলবাৰী জিলা বিজেপিৰ নতুন সভাপতি হিচাপে ডাঃ মৃগাংক তালুকদাৰৰ নাম ঘোষণা কৰাৰ লগে লগে জিলা বিজেপিৰ কাৰ্যকৰ্তাসকলে হৰ্ষোল্লাসেৰে তেওঁক আদৰণি জনায় ৷
উক্ত সভাত অসম পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱাৰ লগতে নলবাৰীৰ বিধায়ক অশোক শৰ্মাও উপস্থিত থাকি নৱনিৰ্বাচিত সভাপতি গৰাকীক উষ্ম আদৰণি জনায় ৷ নৱনিৰ্বাচিত ডা৹ মৃগাংক তালুকদাৰে নতুন সভাপতি হিচাপে দায়িত্বভাৰ গ্ৰহণ কৰি দলীয় নীতি-আদৰ্শক আগস্থান দি কামত আগবাঢ়ি যাব বুলি উল্লেখ কৰে ৷ উল্লেখ্য যে, ইয়াৰ পূৰ্বে বনদীপ ডেকা নলবাৰী জিলা বিজেপিৰ সভাপতি হিচাপে কাৰ্যনিৰ্বাহ কৰি আছিল ৷
আৰু পঢ়কঃ গুৱাহাটী বিশ্ববিদ্যালয়ত জননেতা ভীমবৰ দেউৰীক স্মৰণ
