নলবাৰী, 7 আগষ্টঃ ৰাজ্যৰ সমান্তৰালকৈ নলবাৰীতো বৃদ্ধি পাইছে মহামাৰী কৰ'ণা আক্ৰান্তৰ সংখ্যা ৷ নলবাৰীৰ আৰক্ষী প্ৰশাসনিক লোকৰ পৰা আৰম্ভ কৰি চিকিৎসক সাধাৰণ লোক,বিভিন্ন বিভাগৰ কৰ্মচাৰীৰ দেহত ধৰা পৰিছে মহামাৰী কৰ'ণাৰ অৱস্থিতি ৷ তেনে পৰিস্থিতিত নলবাৰীৰ এটা জনসমাগম থকা কাৰ্যালয়ত নাই এজনো কৰ'ণাত আক্ৰান্ত ৰোগী। নলবাৰীৰ জিলাৰ মীন উন্নয়ন বিষয়াৰ কাৰ্যালয়ত নাই এজনো কৰ'ণা ব্যক্তি । কাৰ্যালয়টোৰ কৰ্মচাৰীসকলক কৰ'ণা টেষ্ট কৰা হয় যদিও বিভাগটোৰ এজনো কৰ্মচাৰীৰ দেহত লাভ নকৰিলে কৰ'ণাৰ অৱস্থিতি ৷ কাৰ্যালয়টোত থকা ব্যক্তিসকলে সতৰ্ককতাৰে নিজৰ নিজৰ দায়িত্ব সূচাৰুৰূপে পালন কৰা তথা কৰ'ণাৰ সকলো নীতি-নিয়ম সূচাৰুৰূপে মানি চলাৰ বাবেই কাৰ্যালয়টোৰ এজনো ব্যক্তি কৰ'ণাত আক্ৰান্ত নহয় বুলি জানিবলৈ দিয়ে ৷
আনহাতে,কৰ'ণা পৰীক্ষাৰ দিনটোত কাৰ্যলয়টোৰ দুই চাৰিজন লোক উপস্থিত নাছিল বাবে এই কৰ্মচাৰী সকলক কৰ'ণা পৰীক্ষা কৰাৰ পিছতে কাম কৰাৰ অনুমতি দিছে জিলা মীন উন্নয়ন বিষয়া গৰাকীয়ে । ইপিনে বেছিভাগ বিষয়া কৰ্মচাৰীৰ লগতে এতিয়ালৈ কোনো কৰ্মীৰ দেহত কৰ'ণাৰ অৱস্থিতি নোপাৱাত স্বাস্থ্য বিভাগৰ লগতে জিলা উপায়ুক্ত পূৰবী কোৱৰেও প্ৰশংসাৰে উপচাই পেলাইছে বিভাগটোৰ কৰ্মচাৰীসকলক ।
লগতে পঢ়কঃ শিলচৰত গাতত পুতি থোৱা অৱস্থাত উদ্ধাৰ পাঁচ মহীয়া শিশুৰ মৃতদেহ
