নলবাৰী,10 মে’ঃ এক উৰা বাতৰিয়ে শনিবাৰৰ দিনটোত ত্ৰস্তমান কৰে নলবাৰীবাসীক ৷ চহৰখনৰ অন্যতম ব্যৱসায়িক প্ৰতিষ্ঠান ৰুমা বেকাৰীৰ এগৰাকী কৰ্মচাৰী Covid 19 ত আক্ৰান্ত হোৱাৰ উৰাবাতৰি প্ৰচাৰ কৰে এটা দুষ্টচক্ৰই ৷ উৰা বাতৰিটোৰ ফলত চহৰখনত স্বাভাৱিকতে একপ্ৰকাৰ আতংকময় পৰিৱেশৰ সৃষ্টি হয় ৷ উল্লেখ্য় যে, প্ৰতিষ্ঠানটোৰ এগৰাকী মুছলমান কৰ্মচাৰীৰ দেহত কৰ’ণা ভাইৰাছৰ উপস্থিতি ধৰা পৰাৰ উৰাবাতৰি বিয়পি পৰিছিল চহৰখনত ৷ এই উৰাবাতৰি নসাৎ কৰি বেকাৰীখনৰ স্বত্বাধিকাৰীয়ে সংবাদ মাধ্যমৰ আগত স্পষ্টকৈ জনাই যে, প্ৰতিষ্ঠানখনত নাই এজনো মুছলমান কৰ্মচাৰী ৷
আনহাতে, বেকাৰীখনৰ কোনো কৰ্মচাৰীৰ দেহত Covid 19 ৰ কোনো লক্ষণ দেখা দিলে প্ৰশাসন তথা স্বাস্থ্য বিভাগক বিষয়টো অৱগত কৰাৰ পূৰ্ণ প্ৰতিশ্ৰুতি প্ৰদান কৰে স্বত্বাধিকাৰী ৰণজিৎ ডেকাই ৷ ঘটনা সন্দৰ্ভত প্ৰশাসনক সকলো কথা অৱগত কৰিছে প্ৰতিষ্ঠানখনৰ মালিকপক্ষই ৷
লগতে চাওকঃ কৃষক সন্মান নিধিৰ তালিকাত পঞ্চায়ত প্ৰতিনিধিৰ আত্মীয়ৰ নাম !
