নলবাৰী,15 মাৰ্চ: ৰাজ্যত নিৰ্বাচনী বতাহ বলি থকাৰ সময়তে নলবাৰীৰ জাজিয়াবাৰীত ৩ আছু নেতাক আক্ৰমণৰ ঘটনা সংঘটিত হৈছে ৷ প্ৰায় ৮/১০ জনীয়া এটা দুৰ্বৃত্তৰ দলে আক্ৰমণ কৰে ৩ আছু নেতাক। তামুলপুৰৰ পৰা আহি থকা অৱস্থাত খাতিকুছিত টেম্প' ভানত অহা দুৰ্বৃত্তৰ দলটোৱে আছু নেতাৰ বাহনখন আগভেটি ধৰি নেতা কেইজনক আক্ৰমণ কৰে ৷ বাহন খনত থকা চাৰিজন আছু নেতাৰ তিনিজনৰ ওপৰত অতি বেয়াকৈ আক্ৰমণ চলোৱাত গুৰুতৰভাৱে আঘাত প্ৰাপ্ত হয় নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মন, সাধাৰণ সম্পাদক নৱ ডেকা আৰু কাৰ্যালয় সম্পাদক বিশ্বজিৎ ভৰালী।
উল্লেখ্য যে, লোৰ ৰডেৰে তিনি আছু নেতাৰ ওপৰত আক্ৰমণ চলোৱাত তিনিও জনকে সম্প্ৰতি শ্বহীদ মুকুন্দ কাকতি অসামৰিক চিকিৎসালয়লৈ প্ৰেৰণ কৰা হৈছে ৷ আক্ৰমণৰ ঘটনা সংঘটিত কৰিয়ে ঘটনাস্থলীৰ পৰা পলায়ন কৰে দুৰ্বৃত্তৰ দলটোৰ লগতে বাহনখনৰ চালকে ৷ এই ঘটনাৰ পাছতে এতিয়া সৰ্বত্ৰে সৃষ্টি হৈছে তীব্ৰ প্ৰতিক্ৰিয়া ৷
লগতে পঢ়ক: নাহৰকটীয়াত অগপৰ দুৰ্গত মোক্ষম আঘাত
