নলবাৰী, 6 ছেপ্তেম্বৰ : শিক্ষক দিৱসৰ(Teachers' Day) পবিত্ৰ ক্ষণত সম্বৰ্ধনা জনোৱাৰ বাবে ৰাজ্যৰ শিক্ষামন্ত্ৰীৰ(Education Minister) লগতে শিক্ষা বিভাগৰ বিষয়াসকলৰ সময়ৰ নাটনি হোৱাতো অত্যন্ত দুৰ্ভাগ্যজনক ৷ দেওবাৰে নিশা নলবাৰী জিলা ছাত্ৰ সন্থাৰ কাৰ্যালয়ত উপস্থিত হৈ এই মন্তব্য কৰে সদৌ অসম ছাত্ৰ সন্থাৰ(AASU) সাধাৰণ সম্পাদক শংকৰজ্যোতি বৰুৱাই(Sankor Jyoti Baruah) ৷
তেওঁ কয় যে, শিক্ষকসকলে গোটেই জীৱন ছাত্ৰ-ছাত্ৰীসকলৰ বাবে কষ্ট-সাধনাত ব্ৰতী থাকে ৷ কিন্তু ইয়াৰ বিনিময়ত শিক্ষা বিভাগৰ সময়ৰ অভাৱত যদি শিক্ষকসকলে এই পবিত্ৰ দিনটোত তেওঁলোকৰ প্ৰাপ্যখিনি লাভ নকৰে, তাৰ বাহিৰে দুৰ্ভাগ্যজনক কথা আৰু একো নাই ৷
লগতে পঢ়ক: NHPC ৰ পৰা কি ক’লে শংকৰজ্যোতি বৰুৱাই ?
সাধাৰণ সম্পাদকগৰাকীয়ে লগতে কয় যে, অনাগত দিনত শিক্ষকসকলক এনেধৰণৰ কৰা অপমান উঠি অহা প্ৰজন্মৰ বাবে ভাল আদৰ্শ নহয় ৷ গতিকে শিক্ষামন্ত্ৰীৰ লগতে শিক্ষা বিভাগৰ কৰ্তৃপক্ষক ভৱিষ্যতে এনে অপমান কৰাৰ পৰা আঁতৰি থকাৰ আহ্বান জনায় সম্পাদকগৰাকীয়ে ৷
আনহাতে, কাগজ কল(Paper Mill) সন্দৰ্ভত মুখ্যমন্ত্ৰীয়ে কৰা মন্তব্য দুৰ্ভাগ্যজনক বুলি তেওঁ উল্লেখ কৰে ৷ ভৱিষ্যতে যাতে কাগজ কল পুনৰ উজ্জীৱিত কৰি কৰ্মচাৰীসকলৰ উচিত ক্ষতিপূৰণ দিয়াৰ লগতে নিবনুৱাসকলক কাগজ কলত কৰ্ম সংস্থাপন দিয়ে, তাৰ দাবী জনায় সদৌ অসম ছাত্ৰ সন্থাই ৷
লগতে পঢ়ক: ভট্টদেৱ বিশ্ববিদ্যালয়ত আছুৰ তীব্ৰ প্ৰতিবাদ
