নলবাৰী, ২৭ নৱেম্বৰ : বৰ্তমান দেশজুৰি ক'ভিড-১৯ৰ সংক্ৰমণ হ্ৰাস পাইছে যদিও ভয়ৱহতা সম্পূৰ্ণৰূপে দূৰ হোৱা নাই । অসমতো সংকটমুক্ত হ'ব পৰাকৈ সংক্ৰমণ ৰোধ হোৱা নাই । সেয়েহে, ক'ভিড প্ৰটকল মানি চলিবলৈ প্ৰশাসনৰ তৰফৰ পৰা বাৰে বাৰে সকীয়নি দিয়া হৈছে । কিন্তু ৰাজ্যত বিদ্যালয়সমূহ খোলাৰ পাচৰে পৰা শিক্ষাৰ্থী আৰু শিক্ষক-শিক্ষয়িত্ৰীৰ আক্ৰান্তৰ সংখ্যা ক্ৰমান্বয়ে বাঢ়িছে ।
শেহতীয়াকৈ নলবাৰীতো এগৰাকী শিক্ষয়িত্ৰীৰ দেহত ধৰা পৰিছে কৰ'ণা ভাইৰাছৰ অৱস্থিতি(Covid-19 infection in Nalbari school) । নলবাৰী চহৰৰ মাজমজিয়াত অৱস্থিত ব্যক্তিগত খণ্ডৰ বিদ্যালয় লিটল ফ্লাৱাৰ্চ স্কুলৰ শিক্ষয়িত্ৰী কবিতা শৰ্মা মহামাৰীত আক্ৰান্ত হৈছে(Corona infection in Little flowers school) । শিক্ষয়িত্ৰীগৰাকী ক'ভিড-১৯ত আক্ৰান্ত হোৱাৰ পাচতে বিদ্যালয়খন বন্ধ ৰখাৰ সিদ্ধান্ত লৈছে বিদ্যালয় কৰ্তৃপক্ষই (Nalbari school teacher found corona poitive) । ২৭ নৱেম্বৰৰ পৰা ৩ ডিচেম্বৰলৈ বন্ধ থাকিব বিদ্যালয়খন ।
