নলবাৰী, 15 এপ্ৰিল: মঙলবাৰে নলবাৰী কলেজ ফিল্ডৰ পৰা উলিওৱা কংগ্ৰেছৰ এক বিশাল ৰোড শ্ব' ত অংশগ্ৰহণ কৰে মঙলদৈৰ কংগ্ৰেছ প্ৰাৰ্থী ভুৱনেশ্বৰ কলিতাই ৷ হাজাৰ হাজাৰ সমৰ্থক লগত লৈ এইদৰে নিৰ্বাচনৰ প্ৰচাৰ চলায় প্ৰাৰ্থীগৰাকীয়ে৷
উল্লেখ্য যে ড0 হিমন্ত বিশ্ব শৰ্মাই মঙলদৈ লোকসভা সমষ্টিৰ মিত্ৰজোঁটৰ প্ৰাৰ্থীগৰাকীক লগত লৈ নলবাৰী চহৰত ৰোড শ্ব' ৰ জৰিয়তে প্ৰচাৰ চলাইছিল। হিমন্ত বিশ্বৰ সেই নিৰ্বাচনী প্ৰচাৰক প্ৰত্যহ্বান জনাই এই বিশাল ৰোড শ্ব' ত অংশগ্ৰহণ কৰে মঙলদৈ সমষ্টিৰ কংগ্ৰেছ প্ৰাৰ্থী ভুৱনেশ্বৰ কলিতাই৷ নলবাৰী কলেজ ফিল্ডৰ পৰা আৰম্ভ কৰি গোপাল বজাৰ হৈ পুনৰ ঐতিহ্যমণ্ডিত নলবাৰী কলেজৰ সমীপত সামৰণি মৰা হয় এই বিশাল ৰোড শ্ব' ৰ৷ ৰেলীত প্ৰাৰ্থীগৰাকীক সংগ দিয়ে প্ৰাক্তন মুখ্যমন্ত্ৰী তথা জেষ্ঠ কংগ্ৰেছ নেতা ভূমিধৰ বৰ্মনৰ লগতে জিলা সভাপতি দিগন্ত বৰ্মনে ৷
মঙলদৈ সমষ্টিত এইবাৰ কংগ্ৰেছৰ জয় নিশ্চিত বুলি মন্তব্য কৰে ভুৱনেশ্বৰ কলিতাই৷ লগতে নাগৰিকত্ব সংশোধনী বিধেয়ক আৰু মোডী চৰকাৰৰ ব্যৰ্থতাৰ বাবে ৰাইজে এইবাৰ কংগ্ৰেছক আকোঁৱালি ল'ব বুলিও দাবী কৰে প্ৰাৰ্থী গৰাকীয়ে৷
