চোৰাং কাঠৰ বিৰুদ্ধে অব্যাহত নগাঁও বন বিভাগৰ অভিযান

নগাঁৱৰ বন বিভাগে মিছাত অভিযান চলাই জব্দ কৰিবলৈ সক্ষম হয় দুই লক্ষাধিক টকাৰ চোৰাং কাঠভৰ্তি এখন ট্ৰাক । অৱশ্য ট্ৰাকখনৰ চালক আৰু হেণ্ডিমেনে ঘটনাস্থলীৰ পৰা পলায়ন কৰে ৷

নগাঁও,8 আগষ্টঃ নগাঁও জিলাৰ বন বিভাগে চোৰাং কাঠ ব্যৱসায়ীৰ বিৰুদ্ধে অব্যাহত ৰাখিছে অভিযান ৷ নগাঁও আঞ্চলিক বন সুৰক্ষা বিষয়া শ্বামীম আখতাৰৰ নেতৃত্বত বন বিভাগে বিগত কেইদিনমানৰ ভিতৰত বৃহৎ চোৰাং কাঠৰ লগতে কেবাটাও কাঠ ফলা অবৈধ মিল জব্দ কৰিৱলৈ সক্ষম হৈছে ৷

শুকুৰবাৰে নিশা পুনৰ নগাঁৱৰ মিছাত অভিযান চলাই জব্দ কৰিবলৈ সক্ষম হয় দুই লক্ষাধিক টকাৰ চোৰাং কাঠভৰ্তি এখন ট্ৰাক । উল্লেখযোগ্য যে, কাৰ্বি আংলঙৰ পৰা চোৰাংকৈ সৰবৰাহৰ কৰি অনা কাঠখিনি এক গোপন সূত্ৰৰ তথ্যৰ ভিত্তিত আঞ্চলিক বন সুৰক্ষা বিষয়া শ্বামীম আখতাৰৰ নেতৃত্বত এটা দলে অভিযান চলাই জব্দ কৰিবলৈ সক্ষম হয় । অৱশ্যে অভিযানৰ সময়তে ট্ৰাকখনৰ চালক আৰু হেণ্ডিমেনে পলায়ন কৰিবলৈ সক্ষম হয় বুলি অভিযানকাৰী দলটোৱে জানিবলৈ দিয়ে ৷

লগতে পঢ়কঃ গেলেকীত পুনৰ ONGC পাইপ লাইনৰ পৰা নিৰ্গত খাৰুৱা তেল