নগাওঁ, 2 ডিচেম্বৰ: নগাঁৱত চাঞ্চল্যকৰ ঘটনা ৷ ৰহস্যজনকভাৱে নগাঁও জিলাৰ কচুৱা থানাৰ অন্তৰ্গত মাধৱপাৰা প্ৰমিলা জাৰণিৰ নিজ বাসগৃহৰ পৰা নিৰুদ্দেশ এগৰাকী বিবাহিতা মহিলা ৷ নিৰুদ্দেশ হোৱা মহিলাগৰাকীৰ নাম হৈছে পম্পী বৰা (২৪) ৷
জানিব পৰা মতে,শুকুৰবাৰে পুৱা স্বামী গৃহৰ পৰা সন্ধানহীন হৈ পম্পী বৰা নামৰ মহিলাগৰাকী । তিনি বছৰীয়া এটি কণ্যা সন্তানৰ মাতৃ পম্পীৰ নিৰুদ্দিষ্ট হোৱা ঘটনাই অঞ্চলটোত চাঞ্চল্যৰ সৃষ্টি কৰিছে।
উল্লেখযোগ্য যে,পম্পী বৰাৰ স্বামী হৰকান্ত বৰা কৰ্মসূত্ৰে বহিঃৰাজ্যত থাকে। পুৱা শুৱাৰ পৰা উঠি শাহু-শহুৱেকে ঘৰত বোৱাৰীয়েকক বিচাৰি নাপাই হাহাকাৰ পৰিস্থিতিৰ সৃষ্টি হয় । পিচত কচুৱা থানাত এজাহাৰ দাখিল কৰে পৰিয়ালৰ লোকে । কোনো দুষ্ট চক্ৰই অপহৰণ কৰাৰ সন্দেহ প্ৰকাশ কৰিছে পৰিয়ালৰ লোকে ৷ যদিহে কোনো লোকে সন্ধানহীন পম্পীৰ সন্ধান লাভ কৰে তেন্তে ওচৰৰ আৰক্ষী থানা অথবা ‘‘7086237037’’, ‘‘8486991703’’, ‘‘9365937475’’ নম্বৰত যোগাযোগ কৰিবলৈ আহ্বান জনায় পৰিয়ালৰ লোকে ৷
লগতে চাওক-পুনৰ বৃদ্ধি পালে জিঅ', ভোডাফোন–আইডিয়া আৰু এয়াৰটেলৰ চাৰ্জ
