নগাঁও, 10 অক্টোবৰ : শুকুৰবাৰে নগাঁৱৰ বেঙেনাআটীত এক চাঞ্চল্যকৰ ঘটনা সংঘটিত হয় । স্বামীৰ প্ৰহাৰত পত্নীৰ মৃত্যুক কেন্দ্ৰ কৰি সৃষ্টি হয় তীব্ৰ চাঞ্চল্যৰ ।
অভিযাগ অনুসৰি, পৰিয়ালটোত পাৰিবাৰিক কন্দল চলি থকাৰ বাবে অভিযুক্ত স্বামীয়ে প্ৰহাৰ কৰিছিল পত্নীক । স্বামীৰ প্ৰহাৰত আঘাতপ্ৰাপ্ত হোৱা মহিলা গৰাকীক নগাঁও ভোগেশ্বৰী ফুকননী অসামৰিক চিকিৎসালয়ত ভৰ্তি কৰোৱা হয় যদিও মৃত্যুক আকোৱালি লয় মহিলা গৰাকীয়ে ৷
ঘটনা সন্দৰ্ভত নিশাই তদন্ত আৰম্ভ কৰিছে আৰক্ষীয়ে । ইপিনে, মহিলা গৰাকীৰ মৃত্যুৰ পিচতেই পলায়ন কৰিছিল স্বামী পৰেশ দাসে । পৰৱৰ্তী সময়ত মৰিকলং আৰক্ষী চকীৰ ভাৰপ্ৰাপ্ত বিষয়া কৈলাশ নেৱাৰৰ নেতৃত্বত আৰক্ষীৰ এটা দলে নিশা অভিযান চলাই আটক কৰিবলৈ সক্ষম হয় অভিযুক্ত স্বামী পৰেশ দাসক ।
লগতে পঢ়ক : হিমন্তই বন্ধ কৰিলেও আজমলে খুলিব মাদ্ৰাছা-টোল
