নগাঁও, 22 অক্টোবৰ: এসময়ৰ সতীৰ্থ কংগ্ৰেছ নেতা অনিল ৰাজাই প্ৰাক্তন মন্ত্ৰী ৰকিবুল হুছেইনৰ বিৰুদ্ধে উত্থাপন কৰা কেতবোৰ অভিযোগক প্ৰত্যাহ্বান জনাই নগাঁও আদালতত অনিল ৰাজাৰ বিৰুদ্ধে গোচৰ তৰিছিল ৰকিবুল হুছেইনে। মঙলবাৰে গোচৰটোৰ শুনানিৰ বাবে অনিল ৰাজা আদালতত উপস্থিত নোহোৱাৰ বাবে অনিল ৰাজাক মিথ্যাচাৰী আখ্যা দিলে প্ৰাক্তন মন্ত্ৰী ৰকিবুল হুছেইনে। ইয়াৰোপৰি অন্য লোকৰ প্ৰৰোচনাত অনিল ৰাজাই ৰকিবুল হুছেইনৰ বিৰুদ্ধে মিছা অভিযোগ কৰিছিল আৰু এয়া এক ৰাজনৈতিক ষড়যন্ত্ৰ বুলিও মন্তব্য কৰে ৰকিবুল হুছেইনে।
ৰকিবুল হুছেইনে গুৱাহাটী উচ্চ ন্যায়ালয়ত তৰা আন এক গোচৰত উপস্থিত হোৱাৰ সময়ত চিয়াঁহী আক্ৰমণৰ সন্মুখীন হৈছিল অনিল ৰাজা। যাৰ বাবে নিৰাপত্তাৰ অভাৱত প্ৰাণৰ আশংকাত ৰকিবুল হুছেইনৰ গৃহ জিলা নগাঁৱত অনিল ৰাজা উপস্থিত নোহোৱা বুলি দাবী কৰিলে অনিল ৰাজাৰ পক্ষৰ জ্যেষ্ঠ অধিবক্তা আবুল হাচিম খন্দকৰে।