চামগুৰি, 21 মাৰ্চ: দেওবাৰে পুৱাই নগাঁৱৰ বৰঘাট বাইপাছত সংঘটিত হয় এক শোকাৱহ পথ দুৰ্ঘটনা । প্ৰাপ্ত তথ্য অনুসৰি, AS02 BC 44119 নাম্বাৰৰ মাছ ভৰ্তি মিনি ট্ৰাক খনে ৰখাই থোৱা এখন বাহনত খুন্দিওৱাৰ ফলত সংঘটিত হয় এই দুৰ্ঘটনাটো ৷
আৰক্ষীৰ সূত্ৰই জনোৱা মতে, এই ভয়াৱহ পথ দুৰ্ঘটনাত থিতাতে নিহত হয় ৰাতুল হুছেইন নামৰ ব্যক্তিজন ৷ আনহাতে, এই পথ দুৰ্ঘটনাত গুৰুত্বৰ ভাৱে আহত হয় হামাতুল ইছলাম আৰু মফিদুল ইছলাম । আহত দুয়োজনকে ততাতৈয়াকৈ নগাঁও ভোগেশ্বৰী অসামৰিক চিকিৎসালয়ত ভৰ্ত্তি কৰোৱা হয় । জানিব পৰা মতে, মৃত ব্যক্তি জনৰ ঘৰ মৰিগাঁৱৰ মিকিৰভেটাত ৷
লগতে পঢ়ক: কৰ'ণাত আক্ৰান্ত গোলাঘাটৰ বিজেপি মিত্ৰজোঁট প্ৰাৰ্থী অজন্তা নেওগ
