নগাঁও, 7 জানুৱাৰী: সীমাহীন দুৰ্নীতি, অনিয়মেৰে অভিলেখ গঢ়াৰ পথত নগাঁও পঞ্চায়ত আৰু গ্ৰামোন্নয়ন অভিকৰণ । নগাঁও গ্ৰামোন্নয়নৰ অধীনৰ প্ৰায় প্ৰতিটো উন্নয়ন খণ্ডতেই গ্ৰামোন্নয়নৰ নামত ব্যাপক দুৰ্নীতি সংঘটিত হোৱাৰ অভিযোগ উত্থাপন হৈছে । প্ৰায় প্ৰতিটো আঁচনি ৰূপায়ণৰ নামত উন্নয়ন খণ্ডসমূহত সংঘটিত হৈ আহিছে দুৰ্নীতি আৰু কেলেংকাৰী (PMAY scheme Scam) ।
শেহতীয়াকৈ দুৰ্নীতিৰ ভূ-স্বৰ্গত পৰিণত হোৱা নগাঁৱৰ বটদ্ৰৱা উন্নয়ন খণ্ডৰ এগৰাকী পঞ্চায়ত সদস্যৰ এটা ফোন কল ভাইৰেল হোৱাৰ পিছতেই সৃষ্টি হৈছে ব্যাপক প্ৰতিক্ৰিয়াৰ (Panchayat member Viral conversations on phone)। বটদ্ৰৱা উন্নয়ন খণ্ডৰ অধীনৰ চহৰীয়া গাঁও পঞ্চায়তৰ এগৰাকী সদস্যই যি কাণ্ড সংঘটিত কৰিলে সেয়া শুনিলে চকু কঁপালত উঠিব সকলোৰে (Obscene phone conversations of Panchayat member )।
চৰকাৰে দৰিদ্ৰ পৰিয়ালৰ বাবে PMAY নামৰ আঁচনি গ্ৰহণ কৰি আবন্টন দিছে পকী ঘৰ । এই আঁচনিৰ অধীনত ঘৰ দিয়াৰ নামত কোনো দুৰ্নীতি অনিয়ম সংঘটিত কৰিব নোৱাৰিব বুলি মুখ্যমন্ত্ৰীৰ আসনত বহিয়েই এক প্ৰকাৰ হুংকাৰ প্ৰদান কৰিছিল ডঃ হিমন্ত বিশ্ব শৰ্মাই । কিন্তু মুখ্যমন্ত্ৰীৰ হুংকাৰকো যেন কেৰেপেই নকৰা হৈছে একাংশ পঞ্চায়ত সদস্যই । নিজ ইচ্ছামতেই দুৰ্নীতি সংঘটিত কৰি আহিছে একাংশ বিষয়া আৰু পঞ্চায়ত প্ৰতিনিধিয়ে ।
