নগাঁও, 3 জুলাইঃ বৃহস্পতিবাৰে পুৱা নগাঁৱৰ এখন ব্যক্তিগত নাৰ্ছিং হোম শেষ নিশ্বাস ত্যাগ কৰে, ধিঙৰ বিধায়ক আমিনুল ইছলামৰ পিতৃ হজৰত শ্বেখ মুফতি মহম্মদ খাইৰুল ইছলামে ৷ বিধায়কৰগৰাকী পিতৃ আছিল ইছলাম ধৰ্মাৱলম্বী লোকসকলৰ এগৰাকী ধৰ্মীয় গুৰু ৷ তেওঁ উত্তৰ-পূৱ ভাৰতৰ আমিৰে শ্বৰীয়ত, সৰ্বভাৰতীয় জমিয়ত উলামাৰ উপ সভাপতিৰ লগতে, দাৰুল হাদিছ পৰমাইভেটি ইছলামীয়া মাদ্ৰাছাৰ শ্বেয়াখুল হাদিছ আছিল ৷
প্ৰায় দুবছৰ পৰা বাৰ্ধক্যজনিত কাৰণত অসুস্থ হৈ আছিল ধৰ্মীয় গুৰুগৰাকী ৷ ধৰ্মীয় গুৰুগৰাকীৰ মৃত্যুৰ বাতৰি বিয়পি পৰাৰ লগে লগে শোকস্তব্ধ লোকে আহি ভীৰ কৰেহি দ গাঁৱৰ পৰমাইভেটীস্থিত বাসগৃহত ৷ ইয়াৰোপৰি খাইৰুল ইছলামৰ শেষকৃত্য তথা জানাজা সম্পাদনতো পৰিলক্ষিত হয় অগণন লোকৰ উপস্থিতি ৷ বৃহস্পতিবাৰে সন্ধিয়া দ গাঁও খেলপথাৰত অনুষ্ঠিত হৈছিল স্বৰ্গীয় ধৰ্মগুৰু গৰাকীৰ জানাজা নামাজ ৷
কিন্তু জানাজা অনুষ্ঠানত কৰ'ণাৰ বাবে জাৰি কৰা নীতি-নিয়ম পালন কৰা দেখা নগ'ল উপস্থিত লোকসকলে ৷ যি সময়ত বিবাহকে ধৰি ভিন্ন অনুষ্ঠানত 20-50 গৰাকী লোক সামাজিক দূৰত্ব মানি উপস্থিত থাকিব পাৰিব বুলি চৰকাৰে নিয়ম জাৰি কৰিছে, তেনে সময়তে এনেদৰে সহস্ৰাধিক লোকৰ উপস্থিতিয়ে শংকিত কৰি তুলিছে একাংশ সচেতন লোকক ৷ কোনো ধৰণৰ সামাজিক দূৰত্ব নমনাকৈয়ে বিধায়ক গৰাকীৰ পিতৃৰ জানাজা অনুষ্ঠানত ভাগ লোৱা পৰিলক্ষিত হ'ল সহস্ৰাধিক লোকক ৷ প্ৰশাসনে এই ক্ষেত্ৰত নীৰৱ ভূমিকা পালন কৰাৰো অভিযোগ তুলিছে একাংশই ৷
লগতে পঢ়কঃ পেট্ৰ'ল-ডিজেলৰ মূল্যবৃদ্ধিঃ গোৱালপাৰাত আম আদমী পাৰ্টীৰ প্ৰতিবাদ
