কলিয়াবৰ , 3 অক্টোবৰ : অসম তথা কলিয়াবৰবাসীৰ বাবে এক সু-খবৰ ৷ অসম আৰক্ষীৰ বিৰুদ্ধে বিভিন্ন সময়ত বিভিন্ন অভিযোগ উঠি অহাৰ মাজতে কলিয়াবৰলৈ গৌৰৱ কঢ়িয়াই আনিছে দুই আৰক্ষী বিষয়াই ৷ কাজিৰঙা ৰাষ্ট্ৰীয় উদ্যানৰ গঁড়ৰ চোৰাং চিকাৰীৰ বিৰুদ্ধে দেখুওৱা সাহসীকতাৰ বাবে সফলতাৰ স্বীকৃতি লাভ কৰিছে কলিয়াবৰৰ দুই আৰক্ষী বিষয়াই ৷
Police Medal for Outstanding Service বঁটা লাভ কলিয়াবৰৰ দুই আৰক্ষী বিষয়াৰ
কলিয়াবৰ মহকুমা আৰক্ষী বিষয়া মৃণ্ময় দাস আৰু জখলাবন্ধা আৰক্ষী থানাৰ ভাৰপ্ৰাপ্ত আৰক্ষী বিষয়া নিপু কলিতাই লাভ কৰিছে অসম চৰকাৰৰ মুখ্যমন্ত্ৰীৰ এই বিশেষ সন্মান ৷ মুখ্যমন্ত্ৰীৰ এই বিশেষ সন্মান লাভ কৰি স্বাভাৱিকতে উৎফুল্লিত হৈ পৰিছে দুয়োগৰাকী আৰক্ষী বিষয়া । আৰক্ষী দিৱসৰ দিনা অৰ্থাৎ 1 অক্টোবৰৰ দিনা নগাঁও জিলাৰ আৰক্ষী অধীক্ষক আনন্দ মিশ্ৰই দুয়োগৰাকী আৰক্ষী বিষয়াক প্ৰদান কৰে এই সন্মান ।
