নগাঁও,17আগষ্টঃ দেশ কঁপাই যোৱা ডকমকাৰ নৃশংস হত্যাকাণ্ড । কোনো এজন অসমীয়াই বৰ্তমানেও পাহৰিব নোৱাৰা সেই নাৰকীয় কাণ্ডৰ এটা বছৰ অতিক্ৰম কৰাৰ পিছতো ন্যায় পোৱা নাই দুৰ্ভগীয়া পৰিয়াল দুটাই । কিন্তু এনে সময়তে এতিয়া দুশ্চিন্তাত ভুগিছে দুয়োটা পৰিয়াল । কাৰণ এই নৃশংস ঘটনাৰ চাক্ষুষ সাক্ষ্য প্ৰদান কৰা কেবাগৰাকী সাক্ষীৰ ভিতৰত 3 গৰাকী সাক্ষীয়ে ইতিমধ্যেই আদালতত সলনি কৰিছে ভাষ্য । কেৱল এয়াই নহয় একাংশই আদালতত সাক্ষীক ভাষ্য সলনি কৰিবলৈ ভীতি প্ৰদৰ্শনৰ অভিযোগ উত্থাপন কৰিছে নিলোৎপল আৰু অভিজিতৰ পিতৃয়ে । এই অভিযোগত দুগৰাকী কণিষ্ঠ অধিবক্তাসহ মুঠ চাৰিজন লোকৰ বিৰুদ্ধে ডিফু আদালতত ইতিমধ্যে গোচৰ তৰিছে নিলোৎপল, অভিজিতৰ পৰিয়ালে । শনিবাৰে এই গোচৰৰ শুনানী আছিল যদিও নগাঁও আদালতে অহা ৯ চেপ্টেম্বৰত পৰৱৰ্তী শুনানীৰ দিন ধার্য কৰিছে ।
উল্লেখ্য যে সাক্ষীৰ নিৰাপত্তাৰ দিশৰ প্ৰতি লক্ষ্য ৰাখি গুৱাহাটী উচ্চ ন্যায়ালয়ত নিলোৎপল অভিজিতৰ পৰিয়ালে লোকে জনোৱা আবেদনৰ ভিত্তিত ডিফু আদালতৰ বিপৰীতে গোচৰটোৰ শুনানী চলি আছে নগাঁও আদালতত ।
