নগাঁৱত পথ দুৰ্ঘটনা : নিহত এজন

নগাঁৱৰ কঠিয়াতলী চাৰিআলীত সংঘটিত হোৱা এক পথ দুৰ্ঘটনাত থিতাতে নিহত হয় মিন্টু কৈৰী নামৰ এজন লোক ৷ চিআৰপিএফৰ টেংকাৰ আৰু বাইকৰ মাজত সংঘটিত হয় দুৰ্ঘটনাটো ৷

বঢ়মপুৰ,18জুন: শুকুৰবাৰে নগাঁৱৰ কঠিয়াতলী চাৰিআলীত সংঘটিত হয় এক ভয়ংকৰ পথ দুৰ্ঘটনা ৷ চিআৰপিএফৰ টেংকাৰৰ খুন্দাত থিতাতে নিহত হয় এজন বাইক আৰোহী ৷ নিহত বাইক আৰোহীজন নগাঁৱৰ মিন্টু কৈৰী বুলি জানিব পৰা গৈছে ৷

প্ৰাপ্ত খবৰ অনুসৰি, চিআৰপিএফৰ বাহনখনৰ লগত বাইক আৰোহীজনৰ মুখা-মুখি সংঘৰ্ষ হয় আৰু সংঘটিত হয় দুৰ্ঘটনাটো ৷ দুৰ্ঘটনা সংঘটিত হোৱাৰ পিচতে স্থানীয় ৰাইজে নিহত লোকজনক মৰণোত্তৰ পৰীক্ষাৰ বাবে প্ৰেৰণ কৰে চিকিৎসালয়লৈ ৷

ইপিনে, দুৰ্ঘটনা সংঘটিত হোৱাৰ পাছতে কঠিয়াতলী চাৰিআলীত এক উত্তেজনাময় পৰিবেশৰ সৃষ্টি হয় যদিও ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে ৷

অন্য এক খবৰৰ বাবে: ৰূপজ্যোতি কুৰ্মীৰ দলত্যাগ কংগ্ৰেছৰ বাবে ডাঙৰ ক্ষতি: ভৰত নৰহ