চামগুৰি, 16 ডিচেম্বৰ : বটদ্ৰৱা আৰক্ষীয়ে লাভ কৰিছে বৃহৎ সাফল্য ৷ মঙলবাৰে নিশাৰ ভাগত এক অভিযান চলাই বৃহৎ পৰিমাণৰ ড্ৰাগছ সহ তিনি কুখ্যাত ড্ৰাগছ সৰবৰাহকাৰী আটক কৰিবলৈ সক্ষম হৈছে বটদ্ৰৱা আৰক্ষীয়ে ৷
নগাঁও জিলাৰ বটদ্ৰৱা আৰক্ষী থানাৰ ভাৰপ্ৰাপ্ত বিষয়া অৰ্পণ শইকীয়াৰ নেতৃত্বত আৰক্ষীয়ে চলাইছিল এই অভিযান ৷ অভিযানকালত আৰক্ষীয়ে ড্ৰাগছ সৰবৰাহকাৰী ক্ৰমে আমিৰ উদ্দিন, আশ্বাদুল ইছলাম আৰু হিচমুল বাহাৰক আটক কৰাৰ লগতে AS 02BC9298 নম্বৰৰ এখন ব'লেৰ পিকআপ গাড়ীও জব্দ কৰিবলৈ সক্ষম হয় ৷ বৰ্তমান আৰক্ষীয়ে আটকাধীন ড্ৰাগছ সৰবৰাহকাৰী কেইটাক সোধ পোছ অব্যাহত ৰাখিছে।
লগতে পঢ়ক: কাইলৈ তিৱা স্বায়ত্ত শাসিত পৰিষদৰ নিৰ্বাচন : সাজু প্ৰশাসন
