নগাঁও,28 অক্টোবৰঃ ফেচবুকত ভাইৰেল হোৱা এটা ভিডিঅ',ৰসৰাজ লক্ষ্মীনাথ বেজবৰুৱাদেৱৰ এটা গীতে চ'ছিয়েল মিডিয়াত চিনাকি কৰাই দিছিল তেখেতক ৷ সুধাকণ্ঠ ডঃ ভূপেন হাজৰিকাৰ দৰে অবিকল কণ্ঠ তেওঁৰ ৷ ভূপেন দাৰ কণ্ঠত গীত গোৱা এই লোকজনক লৈ ফেচবুকত সৰৱ চৰ্চা ৷ সৰুৰে পৰাই সংগীতৰ চৰ্চা কৰি অহা,ভূপেন দাৰ একান্ত অনুৰাগী এইজন নগাঁৱৰ নয়নজ্যোতি শইকীয়া ৷ পুৰণিগুদাম আৰ কে বি উচ্চতৰ মাধ্যমিক বিদ্যালয়ৰ শিক্ষক নয়নজ্যোতি শইকীয়াই গাই গৈছে ইটোৰ পিচত সিটো ভূপেন দাৰ জনপ্ৰিয় গীত ৷ সাইলাখ ভূপেন দাৰ কণ্ঠ ৷ ভূপেন দাৰ প্ৰতিটো গীত কণ্ঠস্থ তেওঁৰ ৷ কি অসমীয়া,কি ইংৰাজী...
চ'ছিয়েল মিডিয়াত চৰ্চিত এগৰাকী শিল্পী ভূপেন দা নাথাকিলেও যেন এইগৰাকী শিল্পীৰ কণ্ঠই সোঁৱৰাই দিছে ভূপেন দাৰ সেই চিৰসেউজ গীতবোৰৰ কথা ৷ চ'ছিয়েল মিডিয়াত বহুল জনপ্ৰিয়তা অৰ্জন কৰা নয়নজ্যোতি শইকীয়াক বিচাৰি উলিয়াইছিল আমাৰ সাংবাদিকে ৷ সৰুৰে পৰা সংগীত সাধনা কৰি অহা শইকীয়া বিভিন্ন সামাজিক কাজতো জড়িত থকাৰ লগতে শেহতীয়াকৈ গ্ৰহণ কৰিছে এক বিশেষ পদক্ষেপ ৷ সুধাকণ্ঠৰ গীত মাতকে ধৰি জ্যোতি সংগীত,ৰাভা সংগীত, পাৰ্বতী প্ৰসাদ বৰুৱাৰ গীতকে ধৰি পুৰণি অসময়ী গীত মাত সমূহৰ প্ৰচাৰ, প্ৰসাৰ আৰু শুদ্ধ ৰূপত সংৰক্ষিত কৰি ৰাখিবলৈ নিজা ববীয়া প্ৰচেষ্টাৰে গ্ৰহণ কৰিছে এক পদক্ষেপ ৷
ভূপেন দাৰ অবিকল কণ্ঠৰ অধিকাৰী শিল্পী নয়নজ্যেতি শইকীয়া আনহাতে ইটিভি ভাৰতে দেশজুৰি গ্ৰহণ কৰা
প্লাষ্টিক মুক্ত পৰিৱেশৰ প্ৰতি সহাৰি জনাই সজাগতা সৃষ্টি কৰাৰ শিল্পীগৰাকীয়ে অব্যাহত ৰাখিছে এই অভিযান ৷ তেখেতে প্লাষ্টিক মুক্ত পৰিৱেশ গঢ়াৰ বাবে নগাঁৱৰ একাংশ দোকানে দোকানে গৈ প্ৰচাৰ চলাই আছে ৷ উল্লেখ্য যে, তেখেতৰ এই পদক্ষেপক আন্তৰিক অভিনন্দন জনাইছে সকলোৱে ৷
লগতে চাওকঃ ৰাষ্ট্ৰীয় পৰ্যায়ত অসম সন্তানৰ সাফল্য
