শতাধিক মহিলাই ঘেৰাও কৰিলে মৈৰাবাৰী ইউবিআই বেংক

শ্ৰমিকৰ প্ৰাপ্য ধন আদায়ৰ বাবে শতাধিক মহিলাই ঘেৰাও কৰে ইউবিআই মৈৰাবাৰী বেংক শাখাটো ৷ জৱকাৰ্ডৰ ধন নোপোৱাক লৈ এইদৰে মহিলাসকলে ঘেৰাও কৰে বেংকটো ৷

মৈৰাবাৰী, 20 জুলাইঃ এটিএম কাৰ্ড নোপোৱাক লৈ শতাধিক মহিলাই ঘেৰাও কৰে মৈৰাবাৰীৰ ইউবিআই বেংক ৷ দীৰ্ঘ দিন ধৰি হাজাৰ হাজাৰ পুৰুষ মহিলাই এটিএম কাৰ্ড নোপোৱাৰ বাবেই নিজৰ সঞ্চিত ধন উলিয়াব পৰা নাছিল ৷ বেংকটোত জৱকাৰ্ডকে ধৰি বৃদ্ধ পেঞ্চন আৰু অন্যান্য চৰকাৰী আঁচনিৰ হিতাধিকাৰীসকলক এইদৰে প্ৰবঞ্চনা কৰি আহিছিল বেংক কৰ্তৃপক্ষই ৷ ইয়াকে লৈ স্থানীয় মহিলাসকলে বেংকত উপস্থিত হৈ বেংকটো ঘেৰাও কৰাৰ লগতে মেনেজাৰক বন্দী কৰি পেলায় ৷ অৱশেষত প্ৰতিদিনে 10খনকৈ এটিএমকাৰ্ড দিব বুলি প্ৰতিশ্ৰুতি প্ৰদান কৰাত ঘেৰাও কাৰ্যসূচী উঠাই লয় ৷