বটদ্ৰৱাত মোবাইল, টৰ্চলাইটৰ পোহৰত মণি মাধৱ মহন্তৰ নিৰ্বাচনী প্ৰচাৰ

বটদ্ৰৱা সমষ্টিৰ পঞ্চায়তে পঞ্চায়তে মণি মাধৱ মহন্ত আৰু বিধায়িকা আঙুৰলতা ডেকাই চলালে নিৰ্বাচনী প্ৰচাৰ ৷

নিউজ ডেস্ক, 4 এপ্ৰিল : সমাগত লোকসভা নিৰ্বাচন । নিৰ্বাচনৰ দিন চমু চাপি অহাৰ লগে লগে প্ৰতিটো ৰাজনৈতিক দলৰ নেতা আৰু প্ৰাৰ্থীয়ে উঠি পৰি লাগিছে নিৰ্বাচনী প্ৰচাৰ অভিযানত । ভোটাৰৰ মন জয় কৰিবলৈআপ্ৰাণ চেষ্টা চলাইছে প্ৰত্যেকজন প্ৰাৰ্থীয়ে । পিছ পৰি নাথাকিল কলিয়াবৰ লোকসভা সমষ্টিৰ মিত্ৰজোঁটৰ প্ৰাৰ্থী মণিমাধৱ মহন্তও ।

বুধবাৰে বটদ্ৰৱা সমষ্টিৰ পঞ্চায়তে পঞ্চায়তে মণিমাধৱ মহন্ত আৰু বিধায়িকা আঙুৰলতা ডেকাই চলালে নিৰ্বাচনী প্ৰচাৰ৷ নিশা কেইবাটাও পঞ্চায়তত চলোৱা নিৰ্বাচনী প্ৰচাৰ সভাত আকৌ নাছিল পোহৰৰ ব্যৱস্থা সেয়েহে দলীয় কৰ্মীৰ মোবাইল আৰু টৰ্চলাইটৰ পোহৰতেই নিৰ্বাচনী প্ৰচাৰ চলালে মিত্ৰজোঁটৰ প্ৰাৰ্থীগৰাকীয়ে ৷