কলিয়াবৰ, 17 আগষ্ট: ৰাজ্যজুৰি অব্যাহত আছে হাতী মানুহৰ সংঘাত (Man Elephant Conflict)৷ নগাঁও জিলাৰ কলিয়াবৰকে ধৰি কেইবাটাও অঞ্চলত বনাঞ্চলৰ পৰা ওলাই অহা বনৰীয়া হাতীয়ে প্ৰায়ে উপদ্ৰৱ চলাই আহিছে (Elephant menace in Nagaon)। কিন্তু এইবাৰ বন্যহস্তীৰ উপদ্ৰৱে লৈছে ভয়ংকৰ ৰূপ ৷ শেহতীয়াকৈ বন্যহস্তীৰ আক্ৰমণত কলিয়াবৰত নিহত হয় এজন লোক (Man killed in wild elephant attack) ৷
ঘটনাৰ বিৱৰণী অনুসৰি মঙলবাৰে নিশা কলিয়াবৰ মহকুমাৰ ১ নং সৰিয়হবাৰীত সংঘটিত হয় এই শোকাৱহ ঘটনাটো । নিশা প্ৰায় ১ বজাত ঘৰৰ পৰা বাহিৰলৈ ওলাই অহাৰ সময়তে উপেন কলিতা নামৰ লোকজনক আক্ৰমণ কৰে এটা বনৰীয়া হাতীয়ে । হাতীৰ আক্ৰমণত থিতাতে নিহত হয় লোকজন । এই ঘটনাৰ পিছতে পৰিয়ালবৰ্গৰ মাজত কান্দোনৰ ৰোল উঠিছে ৷ লগতে সমগ্ৰ অঞ্চলটোতে আতংকই বিৰাজ কৰা পৰিলক্ষিত হৈছে ৷
কলিয়াবৰত বন্যহস্তীৰ আক্ৰমণত নিহত এজন লোক
