কলিয়াবৰ,1 জুলাইঃ বিশ্ব ঐতিহ্যক্ষেত্ৰ কাজিৰঙা ৰাষ্ট্ৰীয় উদ্যান এতিয়া বানৰ কবলত। ব্ৰহ্মপুত্ৰৰ বাঢ়নী পানী আৰু নেৰানেপেৰা বৰষুণৰ ফলত ৰাষ্ট্ৰীয় উদ্যানখন নব্বৈ শতাংশ জলমগ্ন। কালি বতৰ ফৰকাল হোৱাৰ বাবে জলস্তৰ কমিছে যদিও,কাজিৰঙাৰ জীৱকূলৰ বাবে বিপদ এতিয়াও কমা নাই। ৰাষ্ট্ৰীয় উদ্যানখনৰ মাজত থকা উচ্চ ভূমিৰ লগতে কাষৰীয়া কাৰ্বি-আংলঙৰ পাহাৰলৈ গতি কৰিছে পহু,হাতীকে ধৰি অনান্য জীৱ-জন্তু। অৱশ্যে কাজিৰঙাৰ পৰা গঁড় ৰাষ্ট্ৰীয় পথ পাৰ হৈ কাৰ্বি-পাহাৰলৈ যোৱা নাই বুলি ৰাষ্ট্ৰীয় উদ্যানৰ কৰ্তৃপক্ষই জনাইছে।
বানৰ কঠিন সময়ছোৱাত কাজিৰঙা ৰাষ্ট্ৰীয় উদ্যানৰ জীৱ-কূলক সুৰক্ষা দিবলৈ সষ্টম ৰাষ্ট্ৰীয় উদ্যান কৰ্তৃপক্ষ। কৰ্তৃপক্ষক সহায়ৰ বাবে সাজু বন বিভাগ, বোকাখাট আৰু কলিয়াবৰ মহকুমা প্ৰশাসন,আৰক্ষী প্ৰশাসন,গাঁওৰক্ষী বাহিনী,ইক ডেভেলপমেণ্ট কমিটি,স্বেচ্ছসেৱী সংস্থা তথা উদ্যানখনৰ দাঁতি-কাষৰীয়া বাসিন্দাসকল ।
লগতে চাওকঃ জম্মুৰ ত্ৰাল অঞ্চলত বিগত ২৪ ঘণ্টাত দ্বিতীয়টো গুলীবৰ্ষণৰ ঘটনা
