কলিয়াবৰ ,22 জুন :কলিয়াবৰৰ শিলঘাটত উদ্ধাৰ বিৰল প্ৰজাতিৰ সাপ ৷ শুকুৰবাৰে নিশা সন্তোষ বৰা নামৰ লোকজনকৰ ঘৰত এজোপা গছৰ ডালত এডাল কলিয়াবৰত সততে নেদেখা বিৰল "গ্ৰীণ ক্ৰেট" সাপডাল বিচৰণ কৰি থকা দেখা পায় ৷এই খবৰটো বিয়পি পৰাৰ লগে-লগে এই বিৰল প্ৰজাতিৰ সাপ ডাল চাবলৈ ৰাইজে ভীৰ কৰেহি সন্তোষ বৰাৰ ঘৰত।
শিলঘাটত উদ্ধাৰ এডাল বিৰল প্ৰজাতিৰ সাপ উদ্ধাৰ
অৱশ্যে ৰাইজে কলিয়াবৰৰ শিলঘাটৰ প্ৰকৃতি প্ৰেমী যুৱক তথা সৰ্প মানৱ সঞ্জীৱ ডেকাক খবৰ দিয়াৰ পাচতে তেওঁ 5 ফুট দীঘল "গ্ৰীণ ক্ৰেট" সাপ ডাল উদ্ধাৰ কৰে ৷ পাচত বন বিভাগৰ সহযোগত কলিয়াবৰৰ শিলঘাট কামাখ্যা পাহাৰত মুক্ত বিচৰণৰ বাবে মোকলাই দিয়া হয় সাপডাল ৷ বৰ্তমান সময়লৈ অজগৰ সাপ প্ৰায় 170 ডাল আৰু 280 ৰো অধিক সাপ উদ্ধাৰ কৰি কলিয়াবৰবাসী ৰাইজৰ বহু বিপদৰ পৰা উদ্ধাৰ কৰিছে এই উদীয়মান যুৱক সঞ্জীৱ ডেকাই।
