কলিয়াবৰ, ১৫জুলাই: ৰাজ্যৰ তৃতীয়টো বানৰ কৱলত এতিয়া কলিয়াবৰৰ বিস্তীৰ্ণ এলেকা । বৃহৎ এলেকাটোৰ অন্তৰ্গত লুইতপৰীয়া বৰঘূলীৰ সমগ্ৰ অঞ্চলটো এতিয়া বানৰ কৱলত। বৰঘূলীস্থিত কৃষি বান্ধটো ব্ৰহ্মপুত্ৰৰ খহনীয়াত জাহ যোৱাৰ ফলতে ব্ৰহ্মপুত্ৰৰ বাঢ়নী পানীয়ে বুৰাই পেলাইছে বৰঘূলীৰ বিস্তৃত অঞ্চল ।
শিলঘাট-ধিঙৰ ৰিং বান্ধলৈকে বাঢ়নী পানীয়ে জলমগ্ন কৰাৰ ফলত বান পীড়িতই এতিয়া আশ্ৰয় ল'ব লগা হৈছে লৈছে ৰিং বান্ধটোৰ ওপৰতে । স্থানীয় প্ৰশাসনে বানপীড়িতৰ বাবে আশ্ৰয় শিবিৰৰ ব্যৱস্থা কৰিছে যদিও সেয়া পৰ্যাপ্ত নোহোৱাত বিপদত পৰিছে ৰাইজ । পোহনীয়া জীৱ-জন্তুৰ সৈতে মথাউৰিতে বাস কৰিব লগা হৈছে বান ক্ষতিগ্ৰস্ত লোকসকলে। সাধৰণ জনতাৰ লগতে পোহনীয়া জীৱ-জন্তুৱেও ভুগিব লগা হৈছে খাদ্য সংকটত ।
ইতিমধ্যে মহাবাহু ব্ৰহ্মপুত্ৰৰ জলস্তৰ হ্ৰাস হৈছে যদিও এতিয়াও বহু ঘৰ-দুৱাৰ আবদ্ধ হৈ আছে বানৰ কৱলত ।
লগতে চাওকঃ ডেৰাডুনত অট্টালিকা খহি তিনিজনৰ মৃত্যু, আহত ২
