কলিয়াবৰ, 7 ছেপ্টেম্বৰ : ভদীয়া বানৰ কৱলত পৰা কাজিৰঙা ৰাষ্ট্ৰীয় উদ্যানৰ কলিয়াবৰ মহকুমাৰ অন্তৰ্গত বুঢ়াপাহাৰ বনাঞ্চল এতিয়া প্ৰায় বানমুক্ত ৷ বুঢ়াপাহাৰ বনাঞ্চলৰ অন্তৰ্গত ৩৪ টা বন শিৱিৰৰ ১১ টা বন শিবিৰ জলমগ্ন হৈছিল ভদীয়া বানত । ব্ৰহ্মপুত্ৰৰ জলপৃষ্ঠ দ্ৰুতগতিত হ্ৰাস পোৱাত ক্ৰমাৎ বানমুক্ত হৈছে ১০ টা বন শিৱিৰ । বানৰ সময়ছোৱাত বুঢ়াপাহাৰ বনাঞ্চলত ৩ টা হৰিণা বৰ্তমানলৈকে মৃত্যু হৈছে । ইয়াৰে ২ টা কাৰ্বি পাহাৰৰ দিশে ঢাপলি মেলোতে গাড়ীৰ খুন্দাত মৃত্যু হৈছে । আনহাতে বানৰ সময়ত কুকুৰ কামোৰত ১ টা হৰিণাৰ মৃত্যু হৈছে ।
বন্যজন্তু সমূহক চোৰাং চিকাৰীৰ কৱলৰ পৰা নিৰাপদে ৰাখিবলৈ ২৪ ঘন্টাই অধিক সষ্টম হৈ আছে বনৰক্ষীসকল । কাজিৰঙা ৰাষ্ট্ৰীয় উদ্যানত এইবাৰ প্ৰয়োজন মতেই বান হৈছে । ৰাষ্ট্ৰীয় উদ্যানখনৰ উত্তৰ পাৰ বানমুক্ত হোৱাৰ লগতে ব্ৰহ্মপুত্ৰৰ দাঁতিকাষৰীয়া একাংশ বন শিবিৰহে বৰ্তমান বান কৱলত আছে । পূৰ্বৰ দৰে এইবাৰ বন্যজন্তুৰ খাদ্যৰ সংকট নহয় কাজিৰঙাত ।
কিয়নো বৰষুণ দি থকাৰ ফলত সোনকালে পলস পৰি থকা তৃণভূমি বৰষুণে পৰিস্কাৰ কৰি পেলোৱাৰ পাছত ৰাষ্ট্ৰীয় উদ্যান খনলৈ পুনৰ স্বাভাৱিক অৱস্থা ঘুৰি অহাৰ লগতে পুনৰ ন-ৰূপত প্ৰাণ পায় উঠিব কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চল ।
উল্লেখ্য যে, পূৰ্বতে বানৰ সময়ত কাজিৰঙা ৰাষ্ট্ৰীয় উদ্যানৰ সিংহভাগ পানীত ডুব গৈ থকাৰ লগতে যথেষ্ট জীৱ-জন্তু মৃত্যু মুখত পৰে ৷ কিন্তু এইবাৰ সময়তকৈ পাচত বান আহিলেও কিন্তু বৰ বিশেষ ক্ষতি হোৱা নাই কাজিৰঙাৰ লগতে জীৱকূলৰ ৷
লগতে পঢ়ক : আগ্ৰাৰ পৰা অসম অভিমুখে ৰাওনা দেশৰ প্ৰথমখন কৃষক ৰে’ল
