নগাঁও,5 নৱেম্বৰঃ অধিক যান জঁটৰ প্ৰতি লক্ষ্য ৰাখি প্ৰশাসনে নগাঁও চহৰৰ মাজমজিয়াত ই-ৰিক্সাৰ চলাচল বন্ধ কৰি দিয়াৰ পিছতেই প্ৰতিবাদমুখৰ হৈ পৰে ই ৰিক্সা চালকসকল। বৃহস্পতিবাৰে নগাঁৱৰ ই-ৰিক্সা চালকসকলে প্ৰতিবাদ সাব্যস্ত কৰে স্থানীয় বিধায়ক ৰূপক শৰ্মাৰ বাসগৃহৰ সন্মুখত।
নগাঁও চহৰত সৃষ্টি হোৱা অত্যাধিক যান জঁটৰ বাবেই চহৰখনৰ মাজমজিয়াত ৰিক্সা চলাচল বন্ধ কৰিছিল প্ৰশাসনে। ইপিনে ক’ভিড সৃষ্ট পৰিবেশ আৰু লক ডাউনৰ ফলত জুৰুলা হৈ পৰা ই ৰিক্সা চালকসকল এতিয়া নগাঁও চহৰৰ মাজমজিয়াত চলাচল বন্ধ কৰি দিয়াত সন্মুখীন হৈছে আন এক জটিল সমস্যাৰ। যাৰ বাবে ই-ৰিক্সাসমূহ চলাচল কৰাৰ অনুমতি প্ৰদানৰ ক্ষেত্ৰত বিধায়ক ৰূপক শৰ্মাৰ হস্তক্ষেপ বিচাৰি বিধায়কৰ বাসগৃহৰ সন্মুখত প্ৰতিবাদ সাব্যস্ত কৰে ই-ৰিক্সা চালকসকলে।
লগতে পঢ়কঃ মিজোৰামত ৰাষ্ট্ৰপতি শাসনৰ দাবী তুলিলে প্রাক্তন মন্ত্রী ছিদ্দিক আহমেদে
