বটদ্ৰৱা, 30 এপ্ৰিল : দীৰ্ঘদিন ধৰি গুৰুজনাৰ জন্মস্থান বটদ্ৰৱাৰ সমীপৰ ভিন্ন অঞ্চলত ড্ৰাগছ আৰু জুৱাৰ অবাধ বেহা চলাই আহিছিল চিৰাজুল ইছলাম নামৰ এজন কুখ্যাত ড্ৰাগছ সৰবৰাহকাৰীয়ে । বুধবাৰে নিশা ধিঙৰ ধূপগুৰীত হস্তনিৰ্মিত পিষ্টলসহ আটক হয় কুখ্যাত ড্ৰাগছ সৰবৰাহকাৰী চিৰাজুল ইছলাম ।
নগাঁও আৰু ধিং আৰক্ষীৰ যুটীয়া অভিযানত উদ্ধাৰ হয় এটা হস্তনিৰ্মিত পিষ্টল, দুই জাঁই সজীৱ গুলী, দুহাজাৰ টকা , এটিএম কাৰ্ড, নথি-পত্র আৰু এটা ম'বাইল হেণ্ডচেট ।
উল্লেখ্য যে, বটদ্ৰৱা কদমনি গাঁৱৰ চিৰাজুল ইছলামে দীৰ্ঘ দিন ধৰি ধিং ,বটদ্ৰৱাৰ বিভিন্ন অঞ্চলত মাৰাত্মক ড্ৰাগছৰ অবাধ বেহাৰ লগতে অসামাজিক কাৰ্যকলাপ চলাই অহাৰ অভিযোগ উত্থাপিত হৈছে । অঞ্চলটোত চলি থকা ড্ৰাগছ সৰবৰাহৰ ফলত একাংশ নৱ প্ৰজন্মৰ জীৱন ধ্বংসৰ গৰাহত পৰিছে । এই বিষয়ে ৰাইজে বাৰম্বাৰ অভিযোগ উত্থাপন কৰিছিল আৰক্ষীক । অৱশেষত আৰক্ষীয়ে গ্ৰেপ্তাৰ কৰিবলৈ সক্ষম হয় কুখ্যাত ড্ৰাগছ মাফিয়া চিৰাজুল ইছলামক ।
লগতে পঢ়ক : মাজুলীত আৱদ্ধ যাত্ৰীক উদ্ধাৰকাৰ্যত ব্ৰতী IWT জাহাজ