খহনীয়াত সৰ্বস্বান্ত বৰঘূলীৰ সংখ্যালঘু লোক

বিগত দহ দিনে কলিয়াবৰৰ বৰঘূলী অঞ্চলত ব্ৰহ্মপুত্ৰই চলাইছে ধ্বংসলীলা ৷ কলিয়াবৰ বৰঘূলী কৃষি বান্ধৰ প্ৰায় ৭০০ মিটাৰ অংশ জাহ গ'ল ব্ৰহ্মপুত্ৰত ৷ খহনীয়া পীড়িতৰ খাদ্য যোগানৰ বাবে ইতিমধ্য উদং হৈছে মহকুমা প্ৰশাসনৰ বান সাহাৰ্যৰ ভঁৰাল কিন্তু এই কথাৰ প্ৰতি ৰজাঘৰীয়াৰ গুৰুত্ব নথকাৰ অভিযোগ ৰাইজৰ ৷ আনহাতে বৰঘূলীৰ স্থানীয় সংখ্যালঘু লোকসকলে খহনীয়াত ঘৰ-বাৰী হেৰুৱাই সন্মুখীন হৈছে অন্য এক বিপদৰ ৷ অন্য স্থানত পুনৰ ঘৰ বনাই বসবাস কৰিবলৈ ল'লে সন্দেহযুক্ত বাংলাদেশী বুলি ৰোষত পৰাৰ শংকা প্ৰকাশ কৰিছে খহনীয়া পীড়িতই ৷

কলিয়াবৰ, 31 জুলাইঃ চকুৰ সমুখতে খহনীয়াত জাহ গৈছে নিজ ঘৰখন৷ মুকুলি আকাশৰ তলত বিনা আহাৰে দিন কটাইছে খহনীয়া পীড়িতই ৷ বিগত দহ দিনে কলিয়াবৰৰ বৰঘূলী অঞ্চলত ব্ৰহ্মপুত্ৰই চলাইছে ধ্বংসলীলা ৷ কলিয়াবৰ বৰঘূলী কৃষি বান্ধৰ প্ৰায় ৭০০ মিটাৰ অংশ জাহ গ'ল ব্ৰহ্মপুত্ৰত ৷ ক্ষতিগ্ৰস্ত হৈছে ১ নং আৰু ২ নং বৰঘূলীৰ ছটা জনবহুল চুবুৰীৰ বাসিন্দা ৷ আনহাতে নিধিৰাম চৰ্দাৰৰ ৰূপত স্থানীয় বিধায়ক তথা জল সম্পদ বিভাগৰ মন্ত্ৰী ৷ খহনীয়া পীড়িতৰ খাদ্য যোগানৰ বাবে ইতিমধ্য উদং হৈছে মহকুমা প্ৰশাসনৰ বান সাহাৰ্যৰ ভঁৰাল কিন্তু এই কথাৰ প্ৰতি ৰজাঘৰীয়াৰ গুৰুত্ব নথকাৰ অভিযোগ ৰাইজৰ ৷

আনহাতে বৰঘূলীৰ স্থানীয় সংখ্যালঘু লোকসকলে খহনীয়াত ঘৰ-বাৰী হেৰুৱাই সন্মুখীন হৈছে অন্য এক বিপদৰ৷ অন্য স্থানত পুনৰ ঘৰ বনাই বসবাস কৰিবলৈ ল'লে সন্দেহযুক্ত বাংলাদেশী বুলি ৰোষত পৰাৰ শংকা প্ৰকাশ কৰিছে খহনীয়া পীড়িতই ৷ সেয়ে ঘৰ-দুৱাৰ হেৰুওৱা লোকসকলৰ প্ৰকৃত তালিকা তৈয়াৰ কৰি পুনঃসংস্থাপনৰ দিবলৈ জল মন্ত্ৰীক গোহাৰী জনায় ৰাইজে ৷