কপিলীৰ বালিঘাটত উদ্ধাৰ শিশুৰ মৃতদেহ

মঙলবাৰে সমনীয়াৰ সৈতে কপিলী নৈত নাৱত খেলি থকা অৱস্থাত পানীত পৰি সন্ধানহীন হৈছিল মনদ্বীপ ৷ ইপিনে একেদিনাই কামপুৰ আৰক্ষী আৰু SDRF ৰ দল ঘটনাস্থলীত উপস্থিত হৈ উদ্ধাৰ অভিযান চলায় যদিও মনদ্বীপৰ সন্ধান পোৱাত ব্যৰ্থ হৈছিল ৷ তেনে সময়তে আজি পুৱা বাৰগোগাত মাছমৰীয়াই শিশুটিৰ মৃতদেহ উদ্ধাৰ কৰে ৷

বঢ়মপুৰ , 29 মে': নগাঁও জিলাৰ কামপুৰ বাৰগোগা কপিলীৰ বালিঘাটত বুধবাৰে এটি শিশুৰ মৃতদেহ উদ্ধাৰ হয় ৷ উদ্ধাৰ হোৱা মৃত শিশুটি কামপুৰ ন-দেউৰী গাঁৱৰ মনদ্বীপ লস্কৰ বুলি চিনাক্ত কৰা হৈছে ৷

মঙলবাৰে সমনীয়াৰ সৈতে কপিলী নৈত নাৱত খেলি থকা অৱস্থাত পানীত পৰি সন্ধানহীন হৈছিল মনদ্বীপ ৷ ইপিনে একেদিনাই কামপুৰ আৰক্ষী আৰু SDRF ৰ দল ঘটনাস্থলীত উপস্থিত হৈ উদ্ধাৰ অভিযান চলায় যদিও মনদ্বীপৰ সন্ধান পোৱাত ব্যৰ্থ হৈছিল ৷ তেনে সময়তে আজি পুৱা বাৰগোগাত মাছমৰীয়াই শিশুটিৰ মৃতদেহ উদ্ধাৰ কৰে ৷ সম্প্ৰতি ঘটনাস্থলীত কামপুৰ আৰক্ষী উপস্থিত হৈ মৃতদেহটো মৰণোত্তৰ পৰীক্ষা বাবে প্ৰেৰণ কৰে ৷