নগাঁও, ২৮ মেঃ কামপুৰৰ বকুলগুৰিত কপিলী নৈৰ গৰাখহনীয়া প্ৰতিৰোধৰ কামত ঠিকাদাৰে ব্যাপক অনিয়ম কৰাৰ অভিযোগ স্থানীয় ৰাইজৰ । সাংবাদিকক বাতৰি সংগ্ৰহত বাধা স্থানীয় দালালৰ ।
নগাঁও জিলাৰ কামপুৰৰ বকুলগুৰি বান্ধ নিৰ্মাণ কৰাত ব্যাপক অনিয়মৰ আশ্ৰয় লোৱাৰ অভিযোগ স্থানীয় ৰাইজৰ । ৩.৬০ কোটি টকা ব্যয় সাপেক্ষে নিৰ্মাণ হ’ব লগীয়া বান্ধটো নিৰ্মাণৰ কামত ঠিকাদাৰে বিভাগীয় নীতিকো অৱমাননা কৰাৰ অভিযোগ । নিয়ম অনুসৰি যিধৰণে ঠিকাদাৰে কাম কৰিব লাগিছে সেই নিয়ম অনুসৰি কাম নকৰাৰ অভিযোগ স্থানীয় ৰাইজৰ । স্থানীয় লোকৰ অভিযোগ যে, জিঅ’ বেগ বোৰ পানীৰ তলত বহুৱাওতে নাও ব্যৱহাৰ কৰিব লাগিছিল । কিন্তু ওপৰৰ পৰা পেলাই দিওঁতে সঠিক স্থানত জিঅ’ বেগ নপৰাৰ অভিযোগ তুলিছে স্থানীয় ৰাইজে । ইফালে গৰাখহনীয়া এলেকাত সাংবাদিকক বাতৰি সংগ্ৰহত একাংশ বি জে পি স্থানীয় দালালে বাধা দিয়া কাৰ্য্যত ক্ষুব্ধ হৈ পৰিছে স্থানীয় লোকৰ লগতে বিভিন্ন দল সংগঠন । অতি শীঘ্ৰে গৰাখহনীয়াৰ প্ৰতিৰোধৰ কামত যি দুৰ্নীতি কৰিছে বিভাগীয় কতৃপক্ষই পুনৰীক্ষণ কৰি উপযুক্ত ব্যৱস্থা গ্ৰহণৰ দাবী কৰিছে ক্ষুব্ধ ৰাইজ তথা দল সংগঠনে ।
লগতে আন এটা বাতৰি - মহানগৰবাসীক বানপানীৰ পৰা সকাহ দিবলৈ পৌৰ নিগমৰ তৎপৰতা
