নগাঁও,৮ মে': ৰাজ্যত দৈনিক বৃদ্ধি পাইছে ক'ভিড-১৯ ৰ সংক্ৰমণৰ হাৰ । এই সংক্ৰমণ ৰোধৰ বাবে কঠোৰ পদক্ষেপ গ্ৰহণ কৰিছে জিলা প্ৰশাসনসমূহে । নগাঁও জিলাতো মহামাৰীৰ সংক্ৰমণ উদ্বেগজনকভাৱে বৃদ্ধি পোৱাৰ পৰিপ্ৰেক্ষিতত নগাঁও চহৰৰ কেবাটাও অঞ্চলক কণ্টেইনমেণ্ট জ'ন হিচাপে ঘোষণা কৰা হৈছে ৷
ৰাজ্যিক দুৰ্যোগ ব্যৱস্থাপনা প্ৰাধিকৰণে জাৰি কৰা নিৰ্দেশনা অনুসৰি নগাঁৱৰ জিলা দণ্ডাধীশে সমগ্র জিলাখনত পৰৱৰ্তী ১৫ দিন পৰ্যন্ত সকলো সাপ্তাহিক আৰু দ্বি-সাপ্তাহিক বজাৰ বন্ধ ঘোষণা কৰিছে । তাৎক্ষণিকভাৱে বলৱৎ হোৱাকৈ এই নিষেধাজ্ঞা জাৰি কৰা হৈছে । ইফালে প্ৰশাসনৰ নিয়ম ভংগকাৰীৰ বিৰুদ্ধে আইনগত ব্যৱস্থা গ্ৰহণ কৰা হ'ব বুলি প্ৰশাসনে সকীয়নি দিছে ।
লগতে পঢ়ক: টিংখাঙত ক'ভিড-১৯ সন্দৰ্ভত সজাগতা অভিযান
